كيف يهودوا علينا امهاتنا اللول...يا محلا هالكلام...

[A n g e l]

:)

ايييه على ديك الايام...:)


لما كانوا امهاتنا ينومونا ويهودوا علينا بهالكلام الحلو..:o


تذكروا وش تقول الام الى الجاهل لما تنيمه..

اني بصراحة بكتب اللي اذكره..وانتوا كملوا:)

.................................................. ...........

http://ftws.net/komo/up/228.jpg

صلوا على المصطفى وصلوا على الهادي
صلوا على من بنى قبته في أرضِ بغدادِ
صلوا على المصطفى وصلوا على الكرار
صلوا على من فرش بردته ولا احتاج عبار
حيدر ياابو الحسنين ماانساك عن بالي
يامنطق الجمجمة لو هي عظم بالي
حيدر ياابو الحسنين ياصاحب الناموس
حلال كل مشكلة فكاك المحبوس

.................................................. .......
ويقولوا بعد

لول اذا جيت قالوا حي من جانا
والحين الا جيت قالوا اش هالبلا جانا
لول اذا جيت فرشوا لي محارمهم
والحين لاجيت دلعوا لي براطمهم
لول اذا جيت قاموا يفرشون الدار
والحين لاجيت صاروا يبدوا الاعذار
لول اذا جيت قاموا يركبوا القِدر
والحين لاجيت صاروا يبدون العذر..


.................................................. ................
ولما يصحى من النوم:)


قالت له امه الحنونة..


صباحك الخير يانجمة سهيل
صباحك من الصبح صباح الهدى والربح
صباحك من غبشة وماي الورد في غرشة
صباحك صباحين صباح الكحل في العين
صباح الناس مرة وصباحك عشر وثنتين
صباحك من غلس قبل الشيخ ماجلس
وقبل عطارٍ يدور قبل ركاب الفرس
.................................................

وفي شي بعد..بس ماادري ويا وشو دا

حمام داروش عليه اليوم طيرين
طيرٍ محنى وطيرٍ أكحل العين

[غضنفر]

تحية طيبة

ذكرتينا اختي لينا

كانوا امهاتنا وقت اذا يريدوا ينيمونا واحنا مو راضيين كانو يخوفونا ويقولوا ( نام قبل لا تجيك ام الخضر والليف :)

وبعد اذكر ان الامهات اذا ارادو الطفل ينام

يمسحوا على ظهره مع ضربة خفيفة

يقولوا فيها

نام هوى
عن اجليب والعوى

[غـادة]

:D :D :D

صحيح يا غضنفر ذكرتني بأم الخضر والليف
كنت أتخيلها غير شكل

أتذكر هذه الكلمات ، تقولها الأمهات لأولادهن :

يا سنور تت
ما عندنا بت
ماعندنا ألا فلان
يصيح ويسكت .

[Mirage]

الله حليـــــــو :)

أنا باغني ليكم قصدي باقول ليكم وش تقول إمــــــي إللي ( للحين ترى ) :D

ياكافة كفيهم ,, وياأرض إبلعيهم ,, وياسماء طبقي عليهم ...

ماأعرف الباقي :(:::

ياعمري أنا هالأم أحبهاااا :)

تحياتي \ ميرج

[زهـــــــراء]

اللي أذكره :D .....
كانت أمي تقول ليي قصة سندريلا قبل لا أنام :p ....

بس دا اللي أدكره ...

[A n g e l]

اي والله يا غضنفر...:)

اذكر ام الخضر والليف والسعلوة.....

ذكرك الله بالخير


...................................


زنوبيا..احنا للحين نقولها اذا بناقز جاهل ونجننه....:D


........................

تسلم ميراج..بسأل امي عن اللي قلتها يمكن تعرفها:)


.......................................



زهراء...

سندريلا:D

يعني انتين من جيل النيدو:p

[لستُ أنا]

مرحبا..

ما اتذكر شيء :D

يمكن أم الخضر والليف بس

لأنها الى الحين نقولها الى الأطفال..

يالله شوف كيف حنان الأم..

وشوف كيف نعاملها؟؟ :(:::

لينا..موضوع..تشكريـ عليهـ..

تحياتيـ
لستُ أنا

[A n g e l]

يسلموا يا حلوة انتي:)