مغامراتي والزمردة [الأرشيف]

بسمة ثغــــــر

31-01-2004, 09:22

اهلا وسهلا بكم اعزائي اعضاء منتدى سنابس الحلوين ;)

اليوم جاية ليكم في برنامج سوالف عالماشي

حبيت اقولكم سالفة من سوالفي ويا الزمردة :

ملاحظة يمنع منعاً باتاً السخرية في هذا الموضوع لانه جدي فهي ضاهرة خطيرة تحدث في مجتمعاتنا :rolleyes:

يالله 1.... 2....3 >>>>>>>>>>>> ابدا

اقولكم اني داك اليوم كنت جالسة ويالزمردة في بيت ابوي المهم ماشفتها الا قالبة الوجه علي استغربت : وانا اقول في نفسي وشو صاير وشفيها البنية علي:confused: توها من ساعة قاعدة تضحك وتتمسخر وتسولف والله حالة ( سبحان مغير الاحوال) المهم الا تقول بعد فترة انها زهقانة حدها وجوعانة قالت تبي من المطعم الا اقولها بدري على الطلب يابنت الحلال توها الساعة 9 وهي الا تبي من المطعم
الا تقول ليها امها العزيزة استني لسة ماكملو الاهل ( واحنا تصير عندنا مجاعة افريقيا على حسابهم )
الا تقول الزمردة خلينا نروح البقالة ناخد لينا كم حاجة ونرجع ( وشو نسوي ماعندنا صبيان في بيت ابوي يشتروا لينا ) اني في قمة الدهشة والاستغراب زمردة بجلالة عظمتها
تبي تروح البقالة والله انها حاجة غريبة ...........
وقلت في نفسي وشو صاير في الدنيا السما انقلبت على الارض ولا صاير خسوف ولا كسوف
المهم قلت ليها ماعليه ( طبعاً مانرفض طلب للغالين امثالها )
الا تقول امها ماعليه روحوا بس انتبهوا اتغطوا عدل وعدلوا عبايتكم وامشوا عدل
وغيرها من الارشادات .... وقالت ليها زمردة لاتخافي علينا ياماما نحن عصابة المافيا نخوف ولانخاف
المهم طبعاً بعد ماجمعنا طلبات العيلة الكريمة والازي منو
طلعنا ورحنا البقالة الي بينها وبين بيت ابوي خطوتين المهم وصلنا البقالة واخدنا نشتري ونشتري ونشتري
( اتقول جايين من افريقيا ومو شايفين خير ) وكل ماتاخد الزمردة تاخد حاجة علطوووول انا وراها
تقول لزقة جونسن :D ............ وجا وقت الحساب ( والحساب يوم الحساب )
تخيلوا وش صار اني نسيت عمري في الشراي ومفكرة عندي خمسين مادري من السهر اثر على نظري :confused:
وشان يطلع الحساب ب 15 ريال واني ماعندي الا خمس ريال تخيلوا الموقف وافشيلتاه قدام الهندي
المهم وقعدت اقول لزمردة ماعندش فلوس زايدة مني مناك قالت لي ماعندي خلصوا قريشاتي:(:::
وانا قعدت محتاسة منوين اجيب الباقي !!!
توصلت الى قرار نهائي الا وهو اني ارجع الي اخدته ( الحل الوحيد) وزمردة تضحك علي شوي وتتفجر وهي مي قادرة ماسكة الضحكة عشان احنا في بقالة وتوصل بيت ابوي وتضحك علي ربع ساعة بحالها تخيلوا
واني صايرة زي المفهية :rolleyes:
ورحت واني اعصابي منهارة وفي تجلط في الشرايين وانسداد في الاوعية الدموية كله من القهر :mad:
وقلت لأمي واني فايرة احد يروح سوبر ماركت ب 5 ريال ( بعد طورتها استوت سوبر ماركت خلقت بقالة مربعة الشكل مايمدي الواحد يتحرك الى صدم في الثاني )
قامت امي وراحت اخدت الي رجعته اي بعد مايصير زمردة تاكل واني قاعدة اطلع فيها والحسرة تملأ قلبي
هي الماما راحت البقالة تبي تسكتني فكرتني دادو مددة :
وامي كالعادة ماخلت حاجة الي اخدتها وجت بيت ابوي المهم زمردة طالبة من امي كم حاجة ( ملهوفة هالبنية مدري طالعة على من )
وكل الي طلبته زمردة اخدته بت الخال وزمردة ارتفع الضغط عندها من القهر واني اطالعها بإبتسامة باردة :cool:
كل من حوبتي المهم قالت لي زمردة خلينا ناكل هالاكل الخفيف عشان مانتعشى لان الاكل زهقنا منه
صار لينا سنة واحنا على هالمطعم ( طفشت البنية )
جابوا العشا واحنا الشبع موصل حده عندنا والناس ياكلوا واحنا نتمسخر
واذا حد قالينا كلوا نقول مسويين رجيم قاسي (الطل بعد ماخلصنا من الاكل نقول رجيم ) مشكل
الا اني كل شوي اتحبل لأمي العودة تقول لي الزمردة خلي امنا العودة في حالها الا اقول لها لا ابي اسوي شي
خليها مفاجأ المهم الا اني ابي اسوي ....... ( اتوقعوا شنو كنت ابي اسوي ) ابي اشرب قدوو
مادري شو طاري في بالي المهم طبعاً الماما مارضت تقول بعدش صغيرة اذا ضبعتي تعالي اشربي
الا رحت لزمردة اتحايل عليها ساعة اقوليها نعسانة وساعة اقول مدري شنو ( مدري مفكرتنها منو ادلع عليها)
وهي طبعاً ماتعطيني وجه وتقول لي ( الحقران يقطع المصران هاهاهاهاي فوزي)
الا تقول لو عندنا خال صغير كان الحين عنده انترنت وندخل على المنتدى موقاعدين الحين زهقانين وايدنا على خدنا واحنا جالسين زهقانيين حدنا حتى السوالف خلصت
وزمردة الله يهديها قاعدة تكتب خاطرة ( متهوبلة هالبنية ) واني قاعدة انكت ( الظاهر ضاربين فيوزاتي)
وبعد شوي الا زمردة راحت بيتهم واني رحت بيتنا

وتوتا توتا توتا خلصت الحتوتة :) ياحلوين

تحياتي
بسيم المصرقعة

~ زمردة ~

31-01-2004, 09:41

اه منش يابسيم ماعندش اسرار ابد
فضحتينا بابنت الحلال :!!EYE: الله يخرب بيتك :MAD::

فاجأتيني بصراحة بس حلوة :LAFF3;

تحيات الزمردة

Angel Shadow

31-01-2004, 10:00

ههههههههههههههااااااي

يااأخواات العرب..

انتم فتيااات والفتياات لا يذهب الى البقاله :D(أسمع من يتكلم)

وثانيا اثنين نفر رايح بقاله فريق بخسمه ريال مشكل كتير ((سبشل الى حالاتكم بس))"آفات"

والقدوووو:eek:

هل تريدون ان تشربو القدوو يالها من فاجعة كبرى

يبغى ليكم تجربووه...

كنت اسوي دي الحركه بس لما كنت طفله الى ام العوده كان عندها حوي((ايام زمان)) وكانت لما تدخل مطبخها

كـــــل الاطفال يتجمعو على القدو واني الزعيم وكل وااحد مره واول ماتجي وكأن شيئا لم يكن

بس ماكان حلوو:OLD.MAN:((اشم ريحه كذبه:D))

صايره ليكم مصلح اجتماعي:D

وياعيني على اللي تكتب خواطر :cool:

لاعبين وطرابين و امكم العوده ياغافلين ليكم الله

خلاص اليوم اني ريحه بيت ابوش العود ايه ادله اللي منااك:p

ومعلمه عليكم وباقول انكم تشربو زقاره ابوكم العود:D

((لازم شوية بهاراات))

بسمة ثغــــــر

31-01-2004, 10:18

هايات يا مستر انجل ::HI:;

(اذا وجد الماء بطل التيمم ) واذا عدم وجدو الصبيان ابيح ذهاب الفتيات الى البقالات

فهمتي ياحلوة :SQ.UR2:

طلعي فضايحك يا انجل في ايام الطفولة :"BOLD:

علمي وتعالي اراويش شغلش بس انتبهي لا تقولي لامي العودة اخاف تلحقني بالقلم مال القدو :LAFF3;

تحياتي
بسيم المصرقعة

Angel Shadow

31-01-2004, 11:52

[B]هايات يا مستر انجل ::HI:;

اهلا بمستر عبسي

(اذا وجد الماء بطل التيمم ) واذا عدم وجدو الصبيان ابيح ذهاب الفتيات الى البقالات

فهمتي ياحلوة :SQ.UR2:

جليلين الحيا اني قايله شكلكم بنات آخر زمن الجيل الجديد:D:confused:
ماتستحو

طلعي فضايحك يا انجل في ايام الطفولة :"BOLD:

يااااااااه كنت طفله مرفوع عني القلم

علمي وتعالي اراويش شغلش بس انتبهي لا تقولي لامي العودة اخاف تلحقني بالقلم مال القدو :LAFF3;

ههاهاهااهاا تستاهلي

تحياتي

وتحياتي

بسيم المصرقعة

آنجل المبرقعه :D

~ زمردة ~

31-01-2004, 12:01

افااااا يامستر انجل ماهقيتها منك جليلين الحيا مرة وحدة :[QUITE;
صج لي قالوا (الساكت عن الحق شيطان اخرس ) خلاص اني ماراح اسكت عن حقنا انا وبسيم راح نطالبش بحقوقنا في القضاء والمحاكم عاد تعالي تكلمي لينا بعدين :!RE=AL=I:

ماخاف بس الا مرفوع عنش القلم يا انجل شكلش كنتي تفهمي يعني مو مرفوع ولاشي
مو علينا هالحركات ياحلوة

تحياتي
زمردة

Blue Star

01-02-2004, 05:53

نصيحه جربوا المعسل احسن ترى خ خخ خخخ خخ ترى يمدحوا فيه

انا كنت ولا زلت و سأظل اغاامر و احاول اشرب قهوة

بس لما قريت اسم الموضوع قلت ( لا والله سبيس تون لاحس مخ الجميع ) خ خ

حيو حيو

بسمة ثغــــــر

02-02-2004, 05:30

هلا والله

حيــــــــــهم (بلو)

ادري اسمع ان التعسيلة حلوة بس للأسف مانستعمل هالحاجات وشو شايفنا صبيان
( ماباقي الى نروح القهوة) خخخخخخ

احنا لاشفنا سبيستون ولاحتى نعرفها ( مانعترف حتى فيها ) ولايكون مفكر السالفة خراط في خراط عن جد هذا الي صار وبالتفصيل الممل

وين الاعضاء الظاهر ماعجبتهم السالفة ياحسافة كنت مخططة اسوي مسلسل بس يالله خيرها في غيرها ( مشكل )

رسل

02-02-2004, 22:32

بسمة ثغر مسكينة رجعتي كل الأكل كان قلت اله سجل الحساب على زمردة خلهاااا

تتأدب 0000000

وشي سمها البقالة اللي رحتوووووها

مادري شاكة فيكم أنكم بنااات عمي

بنتظاااااااار أحلى المواقف المحرجةةةةةةةةةة

يلاااااااااااا

سيوووووووووووووووو

:flower:: رســـــــــــ رسولة ــــــــــــــل :flower::

بسمة ثغــــــر

02-02-2004, 23:21

هلا رسووله

ايه يبيلي المره الثاني انكب بها واتعمد اني ماجيب الي فلوس خ خ خ علشان تدفعهم على

حسابها ..

اممممم البقاله تصير على اليمين من بيتكم هههااااااااي عرفتي بقالة وشي ؟

لالالا مو بنات عمك يووووووووو ماعرفتينا ....آه منك طلعتي خاينه احنا بنات خالتش

خخخخ لالا جد اختاري ياأحنا نصير بنات خالش يابنات خالتش ....

ترى في (مساعدة جمهور ,,واتصال بصديق,,او حدف اجابتين )

يالله بس مافي تفاعل مافي الا كمن واحد الا راااااد ..

أنشالله ادا لقيت ان في حمااس وكدا بكتب مسلسل

طيب

بااااي ياحلوه

~ زمردة ~

03-02-2004, 00:18

ويلي تبيني ادفع حسابك يالظالمة راح افلس على النهاية

يالله بسيم متى الحلقة الثانية تراني انتظر مقالبش فيني بس ( لاتفشليني )

تحياتي
زمردة

البنوته

03-02-2004, 06:05

ههههههههههههههههه

بسمة ثغر صحيح المعسل احلى من القدو

عجل بسمة رجعتي الاكل هههههههههههههههههههههههههههه

أحلى المواقف المحرج .....

تحياتي البنوته