لكل فتيات المنتدى [الأرشيف]

روعة الجنان

13-09-2008, 11:07

السلام عليكم ورحمة الله وبركاته
في موضوع شاغل بالي من زمان
أتمنى من كل بنت تجواب عليه

لو يوم من الأيام تقدم لك شاب فقير
وأخلاقه عالية وماعليه كلام وماعنده
خرابيط مايدخن مايشرب ........إلخ
وماعنده فلوس عشان يسوي عرس يعني
فستان فخم
http://www.uaeec.com/vb/attachments/f35/3655d1201542116-2008-dsc02838.jpg
ومكياج وتسريحة
http://helwa.maktoob.com/HelwaImages/Articles/HelwaGallery/22821l.jpg
وإكسسوارات من النوع الغالي
http://img335.imageshack.us/img335/1007/40wh.jpg
صندل غالي
http://www.weddingaccessories.net/images/bridal-shoes/veronica_34075_silk_sandal.jpg
وصالة فخمة
http://www.ga3at.com/images/kowash/ab3f1602a0.jpg

يعني عنده فلوس لحفلة صغيرة
يعني إلى الأهل بس
ويدفع مهر
وبار بوالديه ويخاف الله
ويصلي ويصوم ويزكي
ومتدين وماتطوفة الصلاة في المسجد
ويشتغل عامل بناء
هل توافقي عليه أو لا
أبي كل بنت تجاوب بجد بدون مجاملة
وبإمانة

ليالي سنابسيه

13-09-2008, 11:26

انا نفس حالتش والله يوفقنا للاختيار الصالح يارب
وبصراحه عن قناعه خذوهم فقراء يغنيهم الله
والله كريم وكل اللي سوو العرس والفستان وووووووو وينهم الحين في لديون
زواج معقول ومهر وشبكه نعومه والحمد لله المظاهر كذابه
اعرف وحده سوت سوايا في عرسها واسبوع عرسها ميته من الجوع ليش ماعندي ثلاجه
ماعندي قز ماعندي وماخذيت هذا وماخذيت ذاك ليش مافي فلوس مع العلم ان زواجها الله يهديها
صرفت عليه حوالي المئة الف ريال اذا فستانها 14 الف والنهايه ديون في ديون
الماده لا تخليها عائق بكره الرزقه تجي من غير ماتحسبي ليها والله كريم
ويوفقش ويوفقني وياش يارب

زكية

13-09-2008, 11:34

رجولت الرجل ليس بماله او بجاهه خيه
وان كان عامل بناء لا يعيبه شيء
فالعمل والكد بعرق الجبين من افخر الأعمال
اوافق وبشدة ان كان ذا دين وادب واخلاق
على عكس لو كان ذو مال وجاه ولا اخلاق تذكر
هنا لا مجال للحديث ...

ومثل ماقالت اختي ليالي..
الله قال بكتابه ( خذوهم فقراء يغنهم الله )
واهل البيت عليهم السلام
كانوا على قدر حالهم ولكن عظمتهم لا توصف

الرجل بدينه واخلاقه لا بماله ...
تحياتي

روعة الجنان

13-09-2008, 11:38

هلا والله بأخواتي
ستار سنابس
وزكية
هذه مو حالتي لا
أني كتبت الموضوع كذه بس موعشان في أحد متقدم ليي
أني بعدني بنوتة عمري 15 بس جاء الموضوع في بالي أبي اعرف بس
أني كتبته من باب الفضول بس
ومشكورين

غريبه

13-09-2008, 12:15

بدون مثاليات
وبصراحة
لا ما أقبل !

ليه انا شفيني وش اللي ناقصني ...

وانا اقول نأخر الزواج الين مايصير عنده فلوس وهذا افضل حل ^^

وثنكس ع الموضوع

جَنَّةْ

13-09-2008, 12:41

تسلمين عزيزتي روعة جنان على طرح هالموضوع
رأي الـأخت زكيه كفى ووفى
أوافق وبشده
الآن قليل في زمننا الحـالي من يكون على صله بربه
أغلب الأوادم مبتعدين عن الدين والمسؤولية

أم هادي الحايك

13-09-2008, 12:50

لا تعـــــــــليق

روعة الجنان

13-09-2008, 13:04

مشكورين على الردود والله يعطيكم العافية
أم هادي
أبي أعرف ليش ماعلقتي على الموضوع
على الأقل أرسلي لي تعليقش على الخاص

سمر العمر

13-09-2008, 14:07

لا اوافق وان شاء الله يجيني اللي زيه واحسن منه (المال والبنون زينه الحياه الدنيا)
والحين المعيشه غاليه والفلوس تروح زي شربه الماي واحنا حالنا زين
كيفا لو كنا حالنا ضغيف !!
فكروا فيها

روعة الجنان

13-09-2008, 14:15

صح كلامش
أسعدني مرورك
يمكن إذا موافقتي يجيش واحد غاضب وعندة خرابيط الدنيا وغني
بس ماعنده أخلاق
وش الفايدة من افلوسه

روعة الجنان

13-09-2008, 14:20

بدون مثاليات
وبصراحة
لا ما أقبل !

ليه انا شفيني وش اللي ناقصني ...

وانا اقول نأخر الزواج الين مايصير عنده فلوس وهذا افضل حل ^^

وثنكس ع الموضوع
هلا إحنا ماقلنا إن البنت موناقصها حاجة
بس أنتي تبين تسوي عرس في أفخم الصالات
وتدفعي داك الحساب على ليلة وحدة
ممكن تقوليل إذا سويتي عرس وخبة ودفعتي داك الحساب على ليلة وش بتستفيدي ؟
1-كلام الناس
2-خسارة الفلوس
3- ولا حاجة
وش بتستفيدي ؟
يمكن يكون خير عليش وعليه صح لو خطأ
(ولا تكرهوا شيئا وهو خير لكم )

لبنانية

13-09-2008, 14:43

خذوهم فقراء يغنيهم الله

ستار سنابس

13-09-2008, 15:52

انا وحده مايهمني لفلوس لانهاااا وصخ الدنيا

اهم شي الرجاااااااال

ومشكوره عمري على الموضوع

والله يوفق للجميع

وبدل الخرابيط الي يسونها الناس الحفله يروحون الحج احسن بواااجد

طولت عليكم

ولائيه حيدريه

13-09-2008, 17:09

ام عن نفسي زوجي ميسور الحال ومع ذلك ماسويت شي من خرابيط الدنيا وتزوجنا وماعلينا دين واحد

كل شي بسيط وعادي وصلى الله وبارك

احزان متى الفرح

13-09-2008, 17:14

اني اوافق مع اني من عائله ميسورة الحال .والله ها الاياه وين احصل على رجال بها المواصفات بس اهم شي يتامن السكن لانه اهم شي وثاني شي ابضل وياه وبحاول بكل ما اقدر ان احنا انطور حالنا واني اشتغل وشغلتي بسيطه بس القناعه اهم شي

احزان متى الفرح

13-09-2008, 17:21

ماعليه خواتي .لني رديت قبل ما اشوف ردود البنات .والله اني اسغرب للحين في بنات متعجرفات ويطلعوا ذيك وذي ويمكن اصلا ماعندهم مواهلات بعد .الحين الدنيا منعفسه وبعدهم تفكيرهم في ها الامور.والله بنا سويتوا ما سويتوا ما يعجب النا س شي واني في نظري مع احترامي لوجه نظركم اذا كان الرجال امرحني ليش ما اكسبه وهذي المبالغ اسافر فيها احسن .

الراحلةالزينبية

14-09-2008, 05:24

اللهم صلي على محمد وال محمد وعجل فرجهم
خذوهم فقراء يغنهم الله

دعااااااااااااااااااااااااااااااااااكم الصااااااااااااااااااااااااااااااااااالح

LuLwa

14-09-2008, 05:53

أني أقول

بغض النّظر عن كونه فقير أو غني،،
أوّل شي أتطمّن إنّه فعلاً خوش رجّال وإنّي أقدر أعيش ويّاه
يعني أقدر أفهمه ويفهمني واتكلّم معاه..

بعدين أنظر إلى حالته المادّية
وفي الحقيقة أني ما باقول إنّي باوافق على طول
لازم نصير واقعيين
:695:
بعد تفكير عميق وطويل في أشياء واجد لازم الواحد يفكّر فيها
مثلاً وش شكل العيشة اللي هو بيعيشني إيّاها؟
إذا كانت شي أقدر أقبله وأتقبّله فممكن أوافق..

كل وحده تبغى تتزوج تعيش مرتاحه،، يعني إذا كان فقير بس في نفس
الوقت يقدر يفتح بيت،، فـI would consider
أما إذا كان فقير ما يقدر على المصاريف وأتوقّع إن بيصير مشاكل
فبختصر الموضوع من أوّله وباقول له الله يرزقك اللي تسعدك :)

وطبعاً لازم باخذ رأي أهلي واخواني وأمي وأبويي في هالموضوع
لأن بكره لو عزنا فلوس وهالشي طبعاً مو عيب،، يمكن نضطر نطلب
من أهلي .. إذا كانوا معارضين هم من الأساس احتمال يقولوا
واللهي إحنا نصحناش وقلنا لش لا تتزوجيه!!
يعني باشوف أهلي ناويين يدعمونا وقت الحاجة واللا بنعيش
في عوزة لا سمح الله؟!
وبعدين نقرر!!
كل واحد لازم يكون حذر في هالموضوع لأنّه "شائك"

أني أذكر إنّي خضت في نقاش هالموضوع من ذي قبل
في بيتنا،، وكان محور الكلام هل الواحد يتقدّم إلى أي وحدة
بغض النّظر عن مستواها المادي والإجتماعي اللي هي عايشة
فيه؟؟
لأنّي أعتقد إن من حقوق الزّوجة على الزّوج إنّه
ما يطلّعها من بيت أبوها ويسكّنها في بيته ويقوم
يعيّشها في مستوى رفاهية أقل من المستوى
اللي كانت عايشة فيه من غير رضاها،، وأعتقد إن يدل على ذلك
إنّ المره إذا كانت متعوده على طبّاخ يطبخ إليها الأكل
في بيت أبوها،، فعلى زوجها إنّه يوفّر إليها هالرّفاهية
إذا طلبت هي هالشي..

هذا والله أعلم
:712:

(*مذهلة*)

14-09-2008, 07:29

اي والله صدقتوا
أهم شي رجال والنعم ويحب البنت ويغار عليها ويكون صاااااادق وأمين وآدمي وماشي على الصراط المستيقم
صحيح مابتاخذ البنت واحد يفرق عن عيشتها بواجد بس مو حلوة تحطها شرط اساسي مثل ما أسمع عن البعض

الله يسعد الجميع
وموضوع حلو يا روعة

innocent smile

14-09-2008, 07:31

امم خليني أكون واقعية.. بالنسبة لي يعتمد على مدى الفارق بين مستواه ومستوى اهلي المادي
هو طبيعي بيكون فرق لأن توه يكون حياته غير الوالد اللي كون نفسه من زمان واستقرت احواله.. بس فرق عن فرق يفرق... كلنا نعرف ان التكافؤ من الاشياء المهمة سواء الديني - الاجتماعي - المادي... الخ
والشي الثاني.. صحيح أهم شي الدين والخلق... لكن هالحالة اللي هو عليها.. هل بيحاول انه يغير من وضعه ويطور نفسه؟.. أو بيظل طول عمره يقولي والله هذا مستواي وهذا اللي اقدر عليه؟

اذا كان الفارق كبير .. أو انه مايفكر يطور وضعه.. صعب علي إني فجأة أنتقل لحياة من الفقر

ام عبدالله وعلي

14-09-2008, 23:20

براي نها قنعات شخصيه ....................والله يوفق الجميع

غ ــــرور

15-09-2008, 11:12

بسم الله الرحمن الرحيم ...

آلفقر مو عيب بس مو معناته آني آوآفق على وآحد مآيقدر يفتح بيت ..

حآليآ آنا موظفه مآيهمني لو تزوجت جيبي وجيبه وآحد بس شخصيآ رآتبي مو مكفيني شلون آصرف

على بيت منه ؟؟!! ..

طبعآ مآرآح أظل موظفه كل عمري من يصير عندي آولاد بأتفرغ لهم ولتربيتهم وبعدهآ وش نسوي

نقعد نشحت من فلان وعلان وآلآ نشوف آولآدنا يتحسرون على آللي عند غيرهم ...

ممكن آحد غيري يوافق بس آنا شخصيآ وعلى الحيآه آللي آعيشهآ ألحين مآآقدر وثآنيآ صعبه آوآفق على

وآحد يشتغل عأمل بسبب آختلاف كبير حتى في مستوى التعليم لآنه مستحيل يكون جامعي آو على

آلاقل خريج ثانوي وهآذي وظيفته ...

مآدري عن غيري بس صحيح الرجال ماتعيبه الفلوس لكن الدنيآ صعبه ومحتاجه مصاريف مآآقدر

آضحي بهالطريقه و هو ممكن بأي يوم يطلقني آو يتزوج عليّ لو ماعجبته ...

مشكوره غناتي على السؤآل وآن شآ ءالله مآسببنآ لك أحبآط من الزوآج ...

موفقه ومتبآركه بالمولد ...

:098-b:

lunaa

15-09-2008, 13:23

اممممممممممممم

ماتوقع اني بوافق لان الحياة غالية وبتصير صعبة انه يتدبر امره الى نهاية الشهر
وبعدها بتجي اطفال وبتزيد مسؤؤلية

وبماان حاله بسيط فمعناها ان بسكن مع اهله

اني امبى اتزوج اتوسع والله اطلع من غرفة واقعد في غرفة

بصراحة ماااوفق

الحياة مو بس زواج ان مابرفضه علشان زواج اني برفضه لان حياتنا بتصير مرة صعبة ومعشيتنا بتقول متقشفة
والله يوفق الجميع

دانة القلب

16-09-2008, 04:50

دموع السمـاء

16-09-2008, 08:17

السلام عليكم

جميل ان نرى مثل هذه المواضيع من الفتيات

القضيه ليست قضيه ان هذا صواب وهذا خطأ

كلا الحالتين قابله لتكون صواب او خطأ

المسئله مسئله شخصيه فالبعض من الفتيات يعرفن انفسهن وحبهن للتسوق وووو وتربين على مقدار مادي فهل سوف ترتاح بعد الزواج في وضع مادي اقل منه ؟ بغض النظر عن الرجل

على سبيل المثال اردنا خطبة فتاه لأحدهم ولكنها من النوع المادي ومحبه للتسوق كل شهر ولا ابالغ لو قلت كل اسبوع وصرفيتها كبيره ... وهذي ذات اخلاق ودين وتربيه ووو فهل نتقدم لها ام نتقدم لفتاه تحمل نفس المواصفات مع إضافة التواضع المادي ؟

الحياة اصبح العيش فيها قاسي وحتى الأغنياء بها فقراء

فالغني هو من ينتهي الشهر قبل ان يصرف مافي جيبه

والفقير هو من ينتهي ما في جيبه قبل نهاية الشهر حتى وإن كان راتبه 10 الاف

ويعطيكم العافيه

innocent smile

16-09-2008, 11:44

اخواتي العزيزات لو كان هذا اخوكم او بعد عشرين سنة ابنكم لكانت آراءكم تختلف بالفعل ؛؛؛؛؛؛؛؛؛؛اوماذا لو اصبحتم في مرحلة الخطر وهي العنوسة ماذا سيكون رأيكم اتختارون السعادة مع من تكملون حياتكم معه ومن يدري (((( فقراء يغنيهم الله بفضله)))) وانتم تعلمون في قرارة انفسكم ان السعادة هي الإنسجام والتفاهم والإحترام بين الطرفين وكلها لا تحصل بالمال والإنسان صاحب الشخصية القوية هو اللذي لا يهزم ويصارع الدنيا بما فيها وهذا هو الغناء الحقيقي غناء النفس وليس المال؛؛؛؛

مع دعائي بالموفقية للجميع؛؛؛؛؛
وبعدين شغلة ثانية شنو الضمان انج لو اخذتي مليونير او واحد ميسور حاله عشان نكون واقعيين اكثر وما تصير عنده ظروف ويخسر ما وراه ودونه شن وبتسوين بعدين اذا هذي قناعاتج بتطلبين الطلاق ؟؟؟؟؟ ولا بتكملون مع بعض وبتواجهون الظروف؟؟؟؟؟؟؟

هلا أختي..
بالنسبة للضمان الزواج كله ماعليه ضمان ولا العمر عليه ضمان ماحد فينا يدري يعيش لبكرة لو لا.. يصحى وهو على نفس حاله لو لا.. مافي إلا التوكل على رب العالمين

بس هذا مو معناه اني أقبل بشي أعرف إني مارح اتحمله..ولا معناه ان الفقير ما يقدر يخلي البنت تعيش سعيدة.. بس يمكن هي اللي تخليه تعيس بمتطلباتها..لأن اللي تربت في أسرة حالتها المادية متوسطة.. صعب تتأقلم مع حالة مادية أدني بكثيييير.. لأن خلاص تعودت تأكل وتشرب وتلبس أشياء معينة.. ولما تقبل فيه هي بتتعب وبتتعبه وياها .. لأن القاعدة تقول "مد رجولك على قد لحافك" وهي تعودت تمد رجولها على قد لحافها اللي في بيت أبوها

وطبعا احنا مانقول لازم واحد "غني".. أهم شي يقدر يهيء لي حياة كريمة ماحتاج فيها لأحد..

البيان

16-09-2008, 12:15

اه . . .

كم من المرات طرح هذا الموضوع وفي هذا المنتدى ايضا وان كان بقسما اخر

ان طارح الموضوع هدفه عمل بحثـ أو (يجس النبض ) تفكير البناتـ بمعنى أصح

وزبدة الموضوع اين اي النتيجة ماكانتـ ؟

فحسب ما قرأت واستنتجتـ كانتـ النتيجة ان الفتاة لاتريد ان تخرج من بيت اهلها حزينة بل تريد الستــر كما يقال بالعادة
وزوج يحبها ويصرررف عليها ترى كدى وحدة قالت كلامكم واخدت واحد على قد حاله لا ولا يريد يطور من نفسه

أن أهم شي في الرجال تفكيره وين وكل واحد ماياخد الا نصيبه

أما انا فلاتعليق كعادتي

حنـــانيكـــ

16-09-2008, 13:26

وافقت وخلصت
والحمد لله أنا خطيبي من أغنى الرجال بأخلاقه ودينه كافي عليه إنه خادم الإمام الحسين "ع"

وكانا أثنينا نبني شقتنا بدمنا إن صح التعبير ، راح تشعري بسعاده غارمه لما تساعدي زوجك في بناء مستقبلكم

والغنى غنى النفس لا المال

مو كاني -هدرت واجد-
السموحه

حنـــانيكـــ

16-09-2008, 13:48

كل له رأي
مع أحترامي الشديد

المرأه هي التي تصنع الرجل ، أنتي تقدري تحسني من الوضع المادي بطرق كثيره ولازم تصبري
مو لازم يكون خلال سنه يمكن يمتد لست سبع سنوات

تقدري تشجعينه أنه يطور من مهاراته عندك مثلا ممكن يكون صباغ ،سباك ، مصمم ، مترجم ، رسام ،وبكل هذه الامور وغيرها تساعد على تحسين الوضع

أنتي كمان تقدري تجاهدي على نفسك أقل شي تعمليه تبيعي أي شي في البدايه حتى لو حلاوه أو بسكوت تصنعيه بنفسك بالبيت أو تغلفي مكسرا للمعاريس وطررررق كثيره اللي يشغل عقله ويفكر طبعا

الله يغني شبابنا إن شاء الله ويتزوجوا كيف يتزوجوا وتفكير البنات كذا
هذي الايام تشوفي شباب مايتزوجوا الا أعمارهم فوق والان صاروا أخوانا يطلعوا من المدارس من المرحله المتوسطه ليشتغلوا ويكونوا حالهم ويالله بعد والدراسه لاحقين عليها بعدين،،،

أطلت الحديث ثانية

بالتوفيق،،،،
وبالتوفيق

زي العـسل

17-09-2008, 03:02

الســلام.. عجبني الموضوع وحابة اشااارك ويقووة...

أولا ..برايي ان لكل شخص ظروووفة وحياتة وبيئته اللي متعود يعيش فيها...

مو لازم راي فلان يكون مثل رايي او عيشته تناسبني .. وان رايك صح وانا غلط <<<<كل واحد يقول الي يعجبة..

أني بالنسبة اليي مستحيل أوفق على اي رجال والسلام هذا زواج مولعبة بنجيب اولاد وبنربي أجيال لازم نكون

مقتنعين بقرارنا عشان نقدر نعيش حياتنا.. الحياة الزوجية شراكة زلازم يكون فيه تكافؤ بيني وبين شريك حياتي

برايي الزوج لازم يكافئني علميا ..أجتماعيا .. أخلاقيا ..دينا .. وبالنسبة للوظيفة شي طبيعي عشان اظمن مستقبلي

ومستقبل

اولادي يعني مو يجيني واحد مايقدر يعيش نفسه أوافق علية .. والحياة الحين جداا صعبة والاسعار ملتهبة

وغير كذا مبدئيا اظمن آخذ رجال لدينة وعلمة ومالة لاني مابضمن ايام حياتي معاه بعدين على الاقل اضمن مستقبل

أولادي وأنهم مايحتاجوا شي ... واذا جت علي اني الحمدلله موظفة وراتبي يمشي .....

(((( بكيفي كل شخص حر بحياته وبراااااااااااااية)))

نور كربلاء

17-09-2008, 06:49

أعتقد إن من المفترض إن البنات يبون الستر ... وحتى لو موناقصني شي ....
إنسان طيب ومحترم ويحبني ويحس فيني ويخاف ربه أحسن من واحد غني يعيشني بقصر ويكشخني ...
ولا يفكر في يوم إنه يقابل ربه ويصلي ...... .... أحسن من ألف رجال ....
بس الحق والحق يقال ... إن في إنسان فقير وإنسان ماعنده حتى مهر وهنا دي الإختلاف في الأمر ....
الحين الفقير عند الناس راتبه 3 أو 5 آلاف ... ماكو أحد غني إلا مهندس أو دكتور ....أو تاجر طبعاً ...

بسم الله الرحمن الرحيم :" وماهذه الحياة الدنيا إلا لهو ولعب وإن الدار الآخر لهي الحيوان لو كانوا يعلمون" العنكبوت بس موذاكرة أي آية ....
نور كربلاء ....
يسلموا .

saloom

17-09-2008, 07:12

موضوع خطير ومره حلوو الى جيلنا .. ==< جيل الدلع والماركات والفخفخه :689:

انا بنت عز وخير ولله الحمد ..

بس وجهة نظري ماغيرها أبداً اخذ رجال يخاف من الله ومتدين وحتى لوكان فقير لان الفقر موعيب

(خذو فقراء يرزقكم الله) ..

البنت تدور على الستر

بس البنت بزمنا تدور الرجال الي عنده فلوس

انعل ابوالفلوس الي تخليني مستانسه الفلوس تروحي وتجي ..

بس الستر والسعاده مواي بنت تحصلها ..

والله اعرف بنات واجد اهاليهم وهم يرفضو رجال عشان انهم فقيرين ..

حتى لوطولت عليكم

في بنت من هي صغيره كل يخطبوها لانها جميله بس الي يخطبوها كل فقراء وعلى قدحالهم وترفضهم

فهي حلمها يخطبها شاب عنده فلوس وغني ويمتعها ضلت في بيت ابوها لين صار عمرها 35 اصرت على رايها انها تتزوج غني مهما وصل عمرها لين جاها واحد بعمر ابوها عمره 50 سنه وافقت عليه موعشان شي وافقت عليه .. وافقت على فلوسه وانه غني وبيونسها

وبس انخطبت شهرين ماتحملت العيشه وياه تطلقت والحين هي في بيت ابوها

شالفايده من عيشتها!!

وش الشي الي استفادت منه

...........

بصراحه عجبني مره الموضوع وحبيت اشاركم

انوار طيبة

17-09-2008, 07:19

برايي هذا الموضوع يتوقف على امور كثييييرة وطبعا يختلف من شخص لاخر بس في النهاية اقدر اني اقول اني ماراح اوافق مولشي لكن هذا الحقيقة وماقدر انافق او اجامل الحمد الله اني متزوجه واخذت زوجي لقتناعي فيه من كل النواحي والبنت زي ماقالتو تبغى الستر وكل واحده وظروفها

روعة الجنان

17-09-2008, 12:52

تسلمووووووووووووو على تفاعلكم الجميل
وأحترم كل وجهة نظر لكل بنت شاركة في الموضوع
وأنتظر البنات الباقي

غريبه الدار

18-09-2008, 11:01

صح الرجال مايعيبه شي واذا جاءكم من ترضونه دين وخلق فزوجوه بس المفروض كل رجل يبي يتزوج المفروض يكون قادر على فتح بيت وستر اللي بيكون معاها داخل البيت عشان بكره ما ينتظرون فلان او علان يعطيهم وبصراحه نكون واقعين عمر البنت اذا كان مستوى معيشتها كويس والولد لا صعب البنت تنزل صعب اللي متعوده عليه من نعومه اظاافرها الين ما صرت صبيه تنحرم منه بين يوم وليله انا عني ماارضى ومااقبل لانه الحياه صعبه
وهم اثنين شلون بكره يكون اكثر من اثنين يعني المفروض انكون واقعين وننظر لبكره مايصير تفكيرنا محدود على اليوم بس وماتأخذنا العواطف خاصه بالزواج.

واحة القطيف

21-09-2008, 15:09

الصراحة الموضوع عجبني وحبيت أشارك فيه:

اذا كانت البنت متعودة من الصغر على نوع معين من الحياة صعب انها تنزل الى مستوى أنزل منه وخاصة الي يكون ابوها موفرنا اليها ومتعودة على الرفاهية . وبين يوم وليلة تشوف نفسها في وضع ماهي متعودة عليه، لن تستطيع أن تتأقلم عليه وخصوصا البنت يمكن الولد يتعود اسهل بس البنت مستحيل تتأقلم بهذه السهولة .

ولازم الشاب يكون متكافئ اجتماعيا وعلميا ودينيا . مع الاختلاف البسيط في الطباع لن يكون هناك مشكلة مع المدة الوحدة بتتأقلم على طباع زوجها حسب مايقولون ان الاختلاف هو الي يعطي الحياة الزوجية روح المغامرة والتغيير .

والافضل ان الواحد يحاول ان يكون نفسه شوي شوي وبعدين يتقدم متى ماقدر يصرف على بيته واولاده والغلا الحين مرتفع نار يعني الواحد يفكر في المستقبل قبل مايفكر في الحاضر وفي مصلحة اولاده وكيف الواحد يعيشهم في مستوى زين يقدروا يواجهوا الحياة ومتطلباتها علشان كذا الوحدة لازم تفكر الف مرة في الحياة المستقبلية قبل ماتفكر ان اهم شي تتزوج ، واكيد الوحدة مايصير تتزوج والسلام من دون ان تفكر في الايجابيات وفي المستقبل والله المعين..

وطبعا هذا رايي وماهو ضروري يكون راي الكل.. وكل وحدة وطريقة نظرها الى الحياة وطريقة تقييمها الى الحياة من حيث الالويات حيث ان انني بالنسبة لي حلو ان الوحدة تتزوج وتكون حياة زوجية واولاد بس طبعا حلو الوحدة تكون مستقلة في حياتها وفي الوظيفة تحس نفسها كونت ذاتها وحياتها والله يقدم الي فيه الخير .. بس لازم تفكر الوحدة في السبليات والايجابيات للمتقدم وفي الحياة الي ممكن يوفرها في المستقبل بدل مايجوا اهلها يذلوها في النهاية ويقولوا لها انت الي قبلت به والحين ندمتي. زي مايقولون اذا فات الفوت ماينفع الصوت...

السموحة على طول الحديث .. وشكراً:098-b:

نص دكتورة

21-09-2008, 16:38

طبعا اوافق

الفلوس مهي شي اصلا

وبالنسبه للي ذكرتيه كله هذا العروس تدفعه

ثوب ومكياج واكسسوارات وكل شي

اللهم الا الصالة يدفعها
واذا ماقدر يسلم راسه

اهلي يدفعوهم

بس الرجال الزين في الزمن صعب جدا يتلاقى

وزي ماقالوا اللي قبلي

خذوهم فقراء يغنيهم الله

نص دكتورة

21-09-2008, 16:49

بالنسبه لواحة القطيف احب اقول المفروض من الاهالي يربوا بناتهم على القناعة زي ماربونا اهالينا

تربينا في عز وفلووووس ودلع وصرف ماانصرف على احد في سننا بس بقناعة

يعني مو بطمع !!

ثانيا لما يقولوا الرجال فقير غير لما يكون فاشل!

ممكن اقبل بانسان راتبه 4000 او 3000 وعنده شهاده جامعيه

ولا اقبل بواحد راتبه 14000 ومخلص ثانوي!!!!

مهما كان اللي ماعنده شهادته شغله مومضمون

والله يوفق الجميع

**ملاك النور**

21-09-2008, 20:38

موضوع رائع واني عن نفسي الي اشوفه ان اهم شي في الزواج توفر الإنسجام بين الزوجين والتفاهم لأنه هو اساس الحب والراحة النفسية وهذه اهم شئ بينهم ورضا كل واحد منهم بالثاني ، واما من الناحية المادية فإن الله مع عبده إذا سعى الله يعطيه ويسهل عليه امره اذا كان فعلا نيته صافية تجاه ربه لأن (على نياتكم ترزقون) والزواج يجلب الرزق لصاحبه
واما مظاهر العرس والفشخرة والمصاريف الي ماتنقضي كلها الى الناس ماتفيد العروسين بعد الزواج بشي غير الديون...
ويش الفايدة الوحدة تاخد واحد غني ويقدر يسوي ليها احلى عرس ويوفر ليها كل شي تتمناه وهي تفتقد وياه اهم شئ ألا وهو الحب والإنسجام والراحة النفسية... لا ويمكن يتزوج عليها ثانية وثالثة ورابعة..

والي عندهم خير يعني بدل مايدفعوا على :
صالة الليلة بـ25000 ريال
وطقاقة بـ 6000 ريال
وتجهيزات العروس الخاصة فيها الي توصل احيانا الى 50000 ريال

يوفروها للمكان الي بيسكنوا فيه ومشترياتهم الخاصة فيهم والى شهر العسل ووناستهم وراحة بالهم بدل مايصرفوها على مضاهر للناس وكلمن تجي تعيب وتسخر على العروس وعلى العرس واهل العروس والمعرس ماتسوى عليهم هالمصاريف كلها حق ليلة وحدة
وهالتكاليف ماجت من الدين الإسلامي الناس عسروا وصعبوا الزاواج بسبب ربطهم ليه بالمادة وهو اسهل منه مافي

والله يوفق الجميع ويرزق كل وحدة بالزوج الصالح وكل واحد بالزوجة الصالحة.

روعة الجنان

22-09-2008, 13:53

تسلمووووووووووو على ردودكم الجميلة مثل ماقلتوا الفلوس مو كل شيء
بس وش تسوي بنفوس البشر؟

سنابسيه من حي الصواري

25-09-2008, 11:21

خذوهم فقراء يغنيهم الله

قمري

03-10-2008, 08:31

بصرف النظر اذا كان غني او فقير
اكره المبالغه بالحفلات ....
مثلا :بالخطوبه تعجبني ليله العقد واكره عمل حفله خطوبه >>> مو بخل بس وربي مالها داعي
تعب ومصاريف حفله الخطوبه ماتفرق ابدا عن مصاريف الزواج (الفرحه تكمل مع البساطه )

بالزواج احب يوم الزفه واكره يوم الحنه

الجلوات حلوه تكون عائليه ( مابيفرح لك الا اهلك ,الناس ماوراهم الا الحسد والمراقبه والتطنز )
يعني مال امه داعي اسوي لي جلوات واعزم العالم واناعارفه اني يوم الزواج متعب وبكون تعبانه واكيد اهلي تعبانين معي
يعني التعب والمجهود اللى بتسوه بيومين خلوه بيوم واحد وقابلوا الناس صح.....

وانا زواجي قريب ان شاء الله ربي يتمم لي على خير تعمدت ان يكون كل شئ بسيط بس حرصت ان يكون الزواج بعيد عن المبالغه وهذا مايخلوا انه يكون بمكان حلو وجدا مرتب , ربي يوفق للجميع

تقبلي مروووووووري

warda

06-10-2008, 01:59

الاخلاق والدين هالايام صاروا عمله نادره ... اني تزوجت وخلصت ... لكن احس الفلوس الحمدلله مو ناقصتني لكن اتوقع لو نقصتني بتعب واجد ... زي مااني تعبانه الحين من اشياء ثانيه بأختصار
الي تتزوج فقير بيحبها وبيعزها لكن ظروف الحياة بتقهرهم والي تتزوج واحد ابو فلوس وشايف الدنيا ومقطع السمكه وديلها الله يعينها والدنيا عمرها ماتصفى لأحد ولا تكمل السعاده لأنسان الا بالقناعه

وردة مبللة بالدموع

06-10-2008, 02:14

الفقير مو فقير المال
وخذو فقارة يغنيكم الله
والى تبغا الستر حتى لو بـ تربة ومصحف
تحياتي للجميع بسعادة الدائمة

في وهجير

06-10-2008, 07:00

الفقر موعيب بس أن الوحده تتنازل عن كل شي وهي ماتدري هالشخص يستحق هالتضحيه لولا أن فيه حب مو مشكله
و
كل شي بالمعقول كويس وأوافق ملاك النور ان الناس مهما سويتي بيطلعو من العرس وهم يعلقو هيك وهيك وحتى دفتر التواقيع بتشوفي فيه بلاوي
.........مادري خيتو قصدش تاخذ واحد مابيسوي شي خالص

خلاص خله يتشجع ويقول لأبو البنت تراني ماعندي شي
ومابسوي لبنتكم شي بخذها بعباتها
زي مايقولو ويتحمل اللي يجيه ههههههه خلاص ماعنده يتسلف ولا أهله يساعدوه

زي ماذكرت احدى الأخوات الشغله تفرق
لم يكون واحد حاله ضعيف ولا واحد ماعنده شي خالص

بالتوفيق للجميع ببركة الصلاة على محمد وآل محمد

عاشقة الزاهراء

08-10-2008, 01:09

انا من ضمن خدوهم فقراء يغنيهم الله من فضله ولكن هناك امور لابد لنا ان نظر اليها بعين الا عتبار والتي سوف تقبل على الزواج انتنظر اليه من جميع النواحي وخاصه ادا كانت من الطبقه الوسطى اوالعاليه الان سيتغير عليها الظروف والمعيشه وشكراعلى طرح الموضوع

سكر سنابس

08-10-2008, 03:27

اني بعد من ضمن خدوهم فقراء يغنيهم الله من فضله
اهم شي الأخلاق والدين الفلوس تروح وتجي رغم اني عايشة حياة مرفهة كل شي ابغاة عندي بس اتعلمت اني اذا ابغى الشي اتعب علية مو أخدة جاهز مجهز ,,, أبويي كان فقير بس الله اغناة
وبعدين كل الأمور تتسهل وتتيسر

arjwan2009_studio

08-10-2008, 04:00

ههههههههههههههههههههههههههههههههه
هههههههههههههههههههههههه
هههههههههههههههههههههههه
ههههههههههههه
وبقوة بعد
ملان الموضوع سخيف اعوذ بالله ابد ولا اشتخفاف بالي كاتبته مع احترامي الشديد الى رايها
بس من خلال المجتمع الي عايشينه وحسب ما نشوف
ان اغلب وما راح اقول الاعم الشباب على قد حاله من الي في البلد تزوجت مليردير او تللريون
كلهم على قد حالهم داك من داك الي وضع ابوه زين ويساعده
انا ما راح انكر ان الاهل تساعد لا تقوم الدنيا عليي
بس مو لانعهم مرتاحين ما ديا بس عشان يسترو على الولادهم وبناتهم
ولا تقولو اليي ان بهرجت الاعراس هدي لان العريس مرتاح ماديا لا بس لان العروس المصونة تبي عرس وديك من ديك الي ابوها يساعدها
والله تلاقيها هي والمعرس يتسلفو ويحطو فوق راسهم هموم يسددوا في سنوات
وتلاقي شقتهم ما تاثثت وع البلاطة بس اهم شي تسوي عرس في الصالة الفلانية
ولو كل بنت بتقول هدا فقير ما ابيه وهدا ما عنده ما البيه كان اغلب البنات جالسين عند ابوتهم
الوضع المادي لاهالي منطقتنا عموما متدهور ادا مو منتهي ولاحد يقول غني ابيه وفقير ما ابيه
ترى الموضوع يضحك
الا ادا تتكلمو عن منطقة غير الي انا عايشة فيها فهدا شي ثاني واعذروني حبيباتي
والله يوفق الجميع
تحياتي لكن

حور الجنان

08-10-2008, 05:03

اي وربش اعرف وحده خوش آدميه ودكيه استأجرت ثوب وخد الريل وراحو وصورو في استيديوو وسوت حفله خفيفه في البيت ويوم ثاني راحت ايران وقعدت 15 يوم هيه اللحين حامل ورجلها مقتدر على الصرف وكل شي بس

Rewa

08-10-2008, 17:09

مو معناه لما تقول بنت لا ما أوافق ، البعض يعتقد أنها تبغي واحد غني أو يقولون لها ، إخذيه أحسن من تاخذي واحد

غني و ما يعرف ربه

ليش ما يصير واحد غني أو حاله كويس و يعرف ربه و أخلاقه عاليه

يعني إما فقير و متدين أو غني و رايح فيها

الأمور ما تنقاس بهالمقياس

نفس ما قالوا البعض ، المسألة شخصية في بنات تقدر تتأقلم و بنات ما تقدر و هذا من حقهم طالما ما يكون فيه مبالغات

مو شرط يكون غني ، على الأقل يكون وضعه مقبول و يقدر يفتح بيت و كثير من الردود وضحت هالفكرة

الأخلاق و الدين مهمة جداً و ما نختلف عليها و خذوهم فقراء يغنيهم الله و لكن اسعى يا عبدي و أنا أسعى معاك

أعرف وحدة تقربي لي حيل خطبها واحد من قرايبها متدين بس وضعه يعني يوم فيه شغل و يوم لا و ما راح يقدر يفتح بيت بسهولة ،

و أصلاً مو طاري عليها و لا على أهلها أنه بيخطب من عندهم

وكانوا على طول بس يسمعون عن وظيفة ثابتة يقولون له عن الوظيفة بحسن نية و من أجل مساعدته علشان يتوظف

بس هو يقول ما يبي يطلع من منطقته و مقتنع بشغلته اللي مو ثابتة يعني هالشخص مو حاب يطور من نفسه رغم

المساعدات اللي جات له ؟؟

البنت و أهلها ما اقتنعوا لأن هذي حياة عمر مو يوم أو يومين ..........

يعني في النهاية حسب الحالة ، لو شخص فعلاً شافوا منه بادرة طيبة للتطور و تحسين الوضع هذا معناه إنه إنسان

مكافح و يحب يطور من نفسه و يتعلم ..

بالنسبة لحفلات الأعراس أنا شخصياً ما أحبها إلأّ أكرهها و ما أشوف منها داعي ، حتى لو خطيبي أغنى الأغنياء بس

يمكن أهله يبغون يسوون حفلة شسوي بعد مكره أخاك لا بطل...

ام حسين s

08-10-2008, 17:15

أوافق وكلي فخر بعد
يعني هي لفلوس بتغير شي وجودها وعدمها واحد

Rewa

08-10-2008, 17:16

سوري ردي طويل وايد ، يمكن علشان أكتب سطر و أخلّي سطر

عسولة 55

08-10-2008, 17:28

الله يوفق الجميــع

موضوع جميــل للطرح ,, لتعم الفائده علىالجميع

و سبحان الله ,, الله يسبب الاسباب بدون اسباب

الله يرزق اولادنا و بناتنا كــل خـــير الدنيا و شرور الاخره

الرجال الان لكي يتزوجو يحتاجو الى مصاريف فعــلا لا تعد ولا تحصى
ديون و هموم صارت تركب راس الرجل قبل لا يدخل دنيا

عرس في الصاله الفلانيه احسن من الصاله الفلانيه
كله هو مكان ...

انا ما اقول الفلوس مو ضروريه ـــ بس اذا الولد يبغى ينستر ببنت الحلال نقول لا

وييييييييييييييييييييييييييييييياما رجال كانوفقراء و اغناهم الله

رحم الله والديها تلك البنت

قالت ليي كلمات لا انساها

اول ما نخطبت قالت ليي جمله لازالت ترن في أذني

الا عرس فوق سطح البيت اسمها عروس
ولا عرست في صاله الملك عبدالله اسمها عروس
و لا عرست في خيمه اسمها عروس
ولا ما سوت اليها عرس لـت اي ظرف اسمها برضو عروس

صدقوني هذه الجمل خلتني اعدل عن اشياء واجد كانت في راسي

انا مع الاخت سكر سنابسي

على العموم موفقين يارب جميعا

كيتوس

09-10-2008, 02:11

بالنسبة لي..

إذا جاني شخص بنفس هالمواصفات..ما أوافق..

ممكن انه يتقدم لعوائل من نفس مستواه..وتتم الموافقة..بس أنا..لا

ألحين الحياة صعبة..و غالية..فمابالكم لو شخص بنفس هالمواصفات المستحيلة
الأفضل انه يصبر..لمّا يكون نفسه..أو يآخذ وحدة ..مثله

بالنسبة للناحية المادية..ما أشترط الغنى..ولكن ان يكون مستواه المادي جيد جدا

إكرام

11-10-2008, 02:21

أنا اوافق وبشده وبقناعه

لأن الرجال بفلوس واملاك وجمال بدون اخلاق مثل الشجره بدون أوراق ومايسوى

خذوهم فقراءيغنيهم الله

من تواضع لله رفعه وهذا بشرمافيه أي عيب مو كل أنسان يملك ثروه بتظل معاه للموت ترى النعمه زواله ياناس

والزواج ستر في هالدنيا بالأحرى في هالزمن

وش بستفيد من الرسميات والبرستيج قدام الناس الناس بس يعايبون ويحسدون مايباركون أبد

محد يستاهل عشان أنثرفلوسي على ناس ماتستاهل رضا الناس غاية لاتدرك

في البداويه والنهايه هذه عيشتنا نحنا الإثنين إذا أسرفت للفلوس على خرابيط زايه وأبغي رضاالناس

الناس مارح تدق علي الباب أنا وزوجي وبيمدون علي ريال

الإنسان يسعى إلى نفسه إلى عيشته أبحث عن رضا زوجي مو رضا الناس أبحث عن السعاده

إللي بتظظل عليي أنا وزوجي واسرتي بالمستقبل

وبعدين أطلب وأطلب000000 وبعدين بنظل طول حياتنا عايشين بديون
ترى الرجال يزهق يمل من زوجته لين يجيب عيال وهو مديون
والطلاقات الحين زايدة كله بسبب عدم قناعة المرأ

مافكر بزوجها أبد

المرأه إذا تحب زوجها عن جد تثبت له بأناه ماتحمله فوق طاقته تفكر برضازوجها أول موبرضا الناس
لأن هذه عيشتهم هم الإثنين والمرأه تكونبعيده عن المقارنات وتعيش بسلام

الحمدوالشكر والتفاهم والتقديروالقناعه من المرأه راح تكبر بعيون زوجها ويحطها تاج على راسه

أنا بنت غير متزوجه وموظفه في سن زواج أنا عن نفسي أطلب الستر الدنيا كل ماله وتصيردمار
وأقبل حتى مهري يكون 15بس ولا أفكر أسوي زواج
فيه ناس بتقول تخلف أنا لا بقول هذا تمام العقل والقناعه

آسفه على الإطاله ومشكووووووووووره حبيبتي على الموضوع الرائع والمهم جدا

وزين وحده بعمرك تفكر بها لموضوع

الله يوفقك يارب

روعة الجنان

11-10-2008, 02:38

تسلم إيدكم على كتابة الردود
إكرام مشكورة على الرد بصراحة ماكان ودي أخلص من قراءة ردك لأن عن جد أثر فيي
إنت قلتيها وغيرك قالها خذوهم فقراء يغنيهم الله
وبالنسبة لعمري عادي أني فكرت في الموضوع بس أبي أعرف ليش البنات مايافقوا على الرجل الفقير
يسلمو ماقصرتي وعساك على القوة

ريحانة الشرق

11-10-2008, 03:45

( خذوهم فقراء يغنيهم الله )
بس مثل ماقالت الاخت احزان يتوفر السكن
تقبلي مروري

بنت أمها

13-10-2008, 18:28

أكيد عادي ...
الفلوس هي شئ .. بس مو كل شئ

وذا كان ..مثل ماقلتي.. احنا نشتري رجال

وكلامي بعيد عن المثالية
مع العلم أني أقول هذا الكلام وماناقصني شي

جمال لابأس به ... جامعية ...صغيرة ... من عايلة ليها وزنها

بس عن الكذب الحالة المادية ... مستورة

بس العرس والحفلة والثوب بيروحوا
وبيبقى عمري معاه

بس في نفس الوقت مو معناه أرخص بنفسي لأسفل سافلين

يعني المتعارف عليه يكفي ..
لأن في نفس الوقت

أثبتت التجارب أن التواضع كثيرا مايضر بوضع الزوجة في نظر الزوج ونظر أهله

مو الكل طبعا بس حلات معتبرة منهم

حزن قلبي

14-10-2008, 04:17

بنات خلنا نكون واقعيين مو شرط نصرف ذيك المبالغ على فستان وصالة وووووو
لكن احنا في النهاية نبغى نعيش وننستر نجيب عيال ونريحهم مو يومين ومانقدر على الوضع لا واذا فكرنا ان الحال ماينفع نكتشف في حمل كيف بتأكلي وتلبسي وتحمي نفسش وعيالش من الحر والبرد ليش تعيشي مكسورة الخاطر انتي وعيالش
اشاب الي بها المواصفات مع احترامي له اكيد ماتعب عشان يبني نفسه من هو صغير يعني ماعنده شهادة
وحرام يضيع بنت الناس زي ماضيع مستقبله
بنات كونو واقعيين في ردودكم ولا تضحكو على احد من تقدر ماتروح السوق وتشتري ليها اغراض من تقدر تحضر عرس ختها بدون ماتروح كوافير من تقدر تلبس جزمة مشقوقة ردوا بدون اقنعه
عذرا على الأطالة
والشكر واصل الى كاتبة الموضوع

to be or not to be

14-10-2008, 15:41

[quote=حزن قلبي;1354017]بنات خلنا نكون واقعيين مو شرط نصرف ذيك المبالغ على فستان وصالة وووووو
لكن احنا في النهاية نبغى نعيش وننستر نجيب عيال ونريحهم مو يومين ومانقدر على الوضع لا واذا فكرنا ان الحال ماينفع نكتشف في حمل كيف بتأكلي وتلبسي وتحمي نفسش وعيالش من الحر والبرد ليش تعيشي مكسورة الخاطر انتي وعيالش
اشاب الي بها المواصفات مع احترامي له اكيد ماتعب عشان يبني نفسه من هو صغير يعني ماعنده شهادة
وحرام يضيع بنت الناس زي ماضيع مستقبله

:690:

وين راح ردي؟؟؟؟

أم ورود

20-10-2008, 13:22

حبيبتي بختصرها لك بجملتين:
يعتمد على تفكير البنت نفسها ..يعني اذا كانت هي تدور المظاهر لاتقبل فيه تتعب وتعب الرجال معاها..واخر شئ تطلق ..
واذا هي تبي الستره والحب والامان والاستقرار .. تقبل ورب العالمين بيرزقهم من الخير الوفير ان شاء الله..

والله يسهل الاعمال للبنات والشباب .. ويستر عليهم
تحياتي..

الأحساس المرهف

21-10-2008, 03:41

بها المواصفات؟ ،

ويقدر يعيشني؟ ،

أوافق عليه ،:097-b:

وكل هالمظاهر مو مهمه اهم شي الي باخذه...

والناس مايعجبها شي..:076-b:

لغزالسنين

26-10-2008, 01:08

هلا
عادي اوفق
ويش فيها اني اعرف وحده كذا صارلهل وهي سعيده
راي الخاص المهم زوج صالح يقدر المراه ويحترم رغباتها
مومهم كيف العرس ولا الصاله ولا مهم المضاهر الكذابه المهم السعاده وراحة البال
ياريت لو تتغيرالنظره الماديه للبنات المهم عرسي يحكوا فيه الناس
المهم انتي كيف
رضا الناس غايه لاتدرك

نووني

26-10-2008, 05:24

اني عن نفسي اذا الرجاال مايعيبه شي عااااادي اوافق ليش لا
هو ماراح يظل فقير الله راح يغنيه
والحين قليل نشوف رجااال زينين في دا المجتمع

حلا القطيف

27-10-2008, 00:23

بالنسبة ليي اهم شي اخلاقة اذا كل هالمواصفات فيه مليون في المية بكون مرتاحة وياه ويمكن الله يغنيه بعدين وبالنسبة الى الزواج اني اسوي ليي زواج من مهري والوالد يساعد شوي والحين الجمعيات ماخلت شي والله يرزك كل فقير بحق محمد وآل محمد

0اميرة بكلمتي0

27-10-2008, 09:27

بما معنى قول الرسول الاعظم صلى الله عليه واله اذا جاءكم من ترضون دينه وخلقه فزوجوه

الحسناء المدللة

31-10-2008, 04:18

صحـيح الحيـاة صعبة ومعقدة
لكن من رأي زوج يطعمني بالكلمة الحلوة والرومانسية ويغذيني بالحنان والاحترام أفضل من زوج يطعمني من أغلى المأكولات ويحرمني من الأحترام والحب والصدق
والبنت اذا فكرت في الزواج كستر لها وأمان سترضى بنصيبها
وفي مجتمعنا أحس القرار يكون راجع بالدرجة الأولى الى الأهل ثم البنت والله وش رايكم بنات
وأني بعد أقول اذا كانت وحده عايشة في عز مابتتحمل عيشة الفقر الا اذا كانت مقتنعة ويهمها الحب وتعرف ان ابوها مابيقصر عنها مثلا بالعكس بيشرفها الزوج الصالح
وكل بنت وتفكيرها بعض الأحيان مايكون للبنت مجال تختار وتفكر مثلا كبيرة أو تبي تفتك من أهلها هذا اللي لاحضته صاير الحين00 وفي بنات يقولو لش لا أني مأصوم أصوم وأفطر على بصلة
ونصيحه لكل اخت انها ماتفكر في الراتب
وصدقوني احيانآ الفقير يحاول يسعد زوجته ويحاول يرضيها اكثر من اللي عنده فلوس
وأخيرا
ليس كل مايتمنى المرء يدركه تجري الرياح بما لاتشتهي السفن
يعني الرزق على الله واللي واثقة من ربها الله بيعطيها كل خير تتمناه ومابخيب ظنها أبد00

ومشكورةأختي على طرحك الموضوك 00وأسمحي لي اني متزوجة بس حبيت اقول رأيي00 تحياتي

روعة الجنان

05-11-2008, 05:41

يسلمو على الردود الحلوة
وحسناء مدللة صحيح كلامش ليس كل مايدركه المرء يدركه
عادي حتى لو متزوجة أني ماخصصت الموضوع للعازبات فقط الموضوع للبنات بشكل عام سواء :-
1-كانت عزبة
2-كانت مخطوبة
3-كانت متزوجة
المهم راي كل بنت في الموضوع
وأتمنى كل بنات المنتدى يشاركوا في الموضوع

فاطمية الخطى**

06-11-2008, 04:44

موضوع جميل
ان تاخذو فقراء يغنيكم الله من فضله

الله يرفع حظ كل العازبات

حنون قلبي

09-11-2008, 02:31

بالنسبه ليي الدين ولاخلاق اول شئ ثاني شئ اذا انتي من مستوى ارفه منه قعدي مه نفسش شوفي تقدري تتحملي العيشه اقل من المستوى الي انتي عايشتنه اذا تقدري اللع يهنيش ويهنيه فيك بس لازم تصيري صادقه مه حالش قبل كل شئ

لجونه

10-11-2008, 06:45

انا اعرف وحده ما سوت عرس ولا حتى لبست فستان زواج مشان زوجها على قد حاله مسكينه اول ناس تكلمو عليه اهل زوجها قالو لو ما فيه شي ما قبلت على حاله وهي صغيره عمرها 17 ما تسوي زواج لا وياريت زوجه مقدر بعد اللي كل يوم ضرب لا ويعايرها مشان هي يتيمه يقول له غصب عنك ما تسوي شي انا الصراحه مستحيل اقبل

MiSs DiOr

10-11-2008, 07:38

انا بصراحه عن نفسي وعن المستوى اللي كنت اعيشه في بيت ابوي لا اقبل
لسبب اني ما اقدر اعيش اقل من المستوى اللي كنت عايشته عند ابوي ..
اقبل في حالةكان المتقدم نفس مستواي المعيشي او اعلى ..
والحمد لله الله عطاني على قد نيتي ..

وانا معاك ان الرجال مايعيبه الفقر بس بعد في بنات تعودو على نمط معيشي مايقدرون يعيشون في اللي اقل منه ..

اسويم

10-11-2008, 14:13

اني مع مس ديور اتفق معاها في كلامها لو كان بنفس مستواي او اعلى ايه يعني مابقدر اعيش الا بنفس المستوى اللي معيشني فيه ابويي مابرضى بأقل.
صج اني تزوجت ولاسويت عرس بس رحت صالون تعدلت ولبست, تقريبا عرس سكيتي بس مومعناته انه على قد حاله ,لا,بس عشان ظروف خاصه الله يعلمها .
والحمدلله على كل حال

vanilla

17-11-2008, 21:11

اني صراحة اول وحدة تبارك ليهم ليش لا الرجال مايعيبه الفقر واداكان الرجال شغال ليش المضاهر الكدابة يعني الأمام علي عليه السلام عاش مع سيدتنافاطمة الزهراء عليها السلام يوم ياكلو وخمسة لا وهاذي بيتين قالهم الأمام علي في الفقر كم من أديب فطن عالم مستكمل العقل مقل عديم .ومن جهول مكثرماله ذلك تقديرالعزيز العليم.الله سبحانه يقول خذوهم فقراء يغنيكم الله ويمكن على وجه العروس تنفتح ابواب الرزق الى هلشاب المؤمن تقبلي تحياتي:702:

روعة الجنان

17-11-2008, 22:39

مشكورين ومثل كل مرة أقول نفوس البشر ماترحم
ومشكورةvanilla على الرد مرة حلو تسلمي
وأشكر كل من رد على موضوعي بدون إستثناء تسلمو ماتقصروا

تويتي الأمورة

20-11-2008, 09:25

المهم الاخلاق موالغني يشرب دخان والخرابيط ولايرجع الانصوص اليالي

حزن قلبي

21-11-2008, 20:06

بنات ترى مواصفات الرجال مادل بس على انه فقير
صح اهم شيء الدين
بس بعد التكافؤ مهم (هذه مومتعلم شكله وهذا الي خله مادياته ضعيفة
يعني لا حوار ولا عيشة هنية وعلى قولتهم الحب بدون راحة يضيع
كيف بتقدر تريح زوجش وانتي مو مرتاحة
والله يزوجنا جميعا ذكور واناث

P!nky Girl

22-11-2008, 01:52

اذا جائكم من ترضون دينه وخلقه فزوجوه
لا تعليق .....}

تاج البحر

26-11-2008, 20:06

لاتعليق كفايه عنده اخلاق وبار بوالديه
وبيستر عليش ومحافظ
وش تبغى الوحده اكثر من كدا

الورده المحمديه

26-11-2008, 21:03

وكانا أثنينا نبني شقتنا بدمنا إن صح التعبير ، راح تشعري بسعاده غارمه لما تساعدي زوجك في بناء مستقبلكم

والغنى غنى النفس لا المال

اني اوفق اختي (صراط فاطمه)
الله يوفق لنا ولكم بالزوج الصالح ويسعدنا في الدنيا والاخره :384:
نسألكم الدعاء

أم إيلاف

27-11-2008, 16:24

والله يالورده عجبني موضوعش..

اني والله زوجي ماشاء الله ميسور جداا... بس في الزواج كان كل شي بسيط من ناحيه فستاني والصاله والوجبات

الناس همها تتفرج وتاكل وتهدر...حتى زوجي فرح وستانس مني ومن تواضع زواجنا..رغم اني اول وحده

في خواتي اتزوج وهوو اخر واحد يعني المفروض نسوي حفله صاخبه ههههههههههههههه

والف حمد وشكر ليله جميله بكل تواضعهااا...