انا و المطبخ .... [الأرشيف]

Blue Star

24-08-2008, 06:58

سلامون عليكم

شحوالكم ادري فجيت على بعضكم ... و بعضكم يقول منو دا خخخ

جاي في بالي احط لكم شوية مواقف صارت لي في المطبخ وانشالله ما اطول عليكم

عاااد الحين كل واحد بيحط في باله ديك السالفه المشهورة ( حطيت سكر بدل الملح )

شايفيني خبل ؟؟ :734: اصلا في بيتنا يكتبوا على كل حاجه اسمها

حتى ساعات افتح الفلاجه الاقي مكتوب على البيض " بيض " ... << لا والله فكرتها فراوله

مره طلعت بيضه مكتوب عليها ( كوكو دادو ) اختي الصغيره تتفلسف

عاد مره شرينا بيض املح .. مدري اسمر .. مدري بيض على بر ... المهم عاد عرفتوها

كتبنا على كل بيضه اسم غير ( تمساح ... ضفدع ... سحلفة ... فشغدة ... جعنوية )

عشان لا نضيع يعني ..... ماعلينا

عاد انا امي من تشوفني واقف في المطبخ .. حتى لو اشرب ماي ... تقول ( احمد الله انك مو بنيه والا كان طحت في شبدي )

لان جد جد مالي في امور الطبخ ... لو اموت جوع ماعرف اسوي لروحي حاجه

ماااعرف بشكل ما تتصوروه

شوية مواقف تجيب الصمرقع ... عشان تعرفوا حجم المعاناة

قبل كم يوم قاعد ادور في المطبخ ادور لي شي جاهز ينأكل ...

شفت قوطي جلو ... قلت يالله جلو جلو ... كيف يسووه ؟؟

سألت اختي قالت اغلي ماي و حط فيه البودره و اخلطه ولما يبربق اطفي عليه

اوكي سويت كل شي عدل ... و حطيته في الفلاجه ... جيت له بعد سبع ساعات ... ماجمد

جيت له يوم ثاني .... ماجمد ....

يأست ... قمت حطيته في الفريز ... سويته صبعبلي

ولحد الحين مانا عارف ويش الخطأ في المووضوع الي فهمته اني ( ماعرف )

قبل فتره جيت بسوي لي بيض عيون ... احترق من تحت ... و من فوق صار ني ... لييييش ؟؟؟ وانا متفنن في البيض بعد مستانس صار دوائر

مره اشتهيت بيض مطوي بالجبن ... حطيت البيض في كوبة و خلطته و حطيته في المقلى

حارست شوي و كل شي تمام الحمدلله رب العالمين ... الحين جا دور الطواي ... كيف اطويه دا ؟؟

جبت شوكتين و قعدت احاول مانفع

جبت ملاعق كبار خشب .... يمين يسار مو رااضي مانا عارف

ارتفع ضغطي ... و ايدي تحرقني في حاجات تتطفر و تحرق ....

رحت جبت زراديه من الكراج ... قلت يلعن ابوها طبخه .. اسويها ا سويها

مامداني اروح دقيقتين و اجي الا البيض محترق و الحشره صايره خخخخخخخخ و قعدت بجوعي

عاد الي اسهل من كدا ... مره بغيت اسوي بيض مفيوح ... ابسط من كدا مافي

حطيت بيض في ماي و غليته يغلي

ماجيت الا كلهم متفتقين .. شصاير ؟؟ منو الي زعلهم ؟؟

منها كرهت البيض مانا مشتهينه حقدت عليه ...

يعني انا افكر بيني وبين نفسي .. الحين ... اقعد احوس في سيارتي بالايام افك و اركب ... او كمبيوتري افكه و اركبه كلـه في ربع ساعه

وماعرف اسوي بيض ؟؟ ويش الي ناقصني مادري ...

الي اعظم من كدا .... مره قعدت من النوم متأخر << قال مره قال ....

وقعدت ادور امي تحط ليي غدا مالقيتها في البيت

اتصلت ليها قالت لي دكو في صالونه على الفرن جنب العيش حط لك و كل ..

قلت اوكيه و سكرت << كنت مادري عن روحي خاايب

المهم فتحت صفرية العيش الا العيش بارد صاير متماسك .. ماعرف اسخنه اخاف يحترق

قلت اكله بارد ولا اكله محترق << لان في جميع الاحوال باكله باكله جوعان حديني

عاد جيت بشيل العيش بحط في صحن و اشيل غز كامل ... على شكل مثلث ... حطيته في الصحن وجبت لي طاسه و حطيت صالونه و رحت المجلس اكل

شوي و جوا الشباب .. قعدوا وياي وانا اكل ...

بعد ربع ساعه من دخلوا و قعدوا الا واحد يقولي ( ويش فيك مشفح ؟؟؟ احد ياكل كيك ويا صالونه ؟؟؟ )

مهو شكل الرز صاير كانه قطعه من كيكه كبيره خخخخخخخخخخخخ

بس بعد ما اكلت و خلصت .. جتني الفكرة ( ليش ما قعدت انفره بالملعقه ؟؟؟ ) <<< خبـل

مره سهران و داقني الجوع << عود يقول مـره ماكنه كل ليله يسهر

قلت مالك الا سندويشه ... على قولة الخال ... سندويكه ... على جبن

طلعت جبن مافي الا كيري المربعات .. جبت خبز بريد .. و حطيت الجبنه في الوسطه .. عن حساب باسوي زي امي ...

جبت سكين فضه عشان بسوي زي الدعايات ... << دلعي نفسك بزبده لورباك << شجاب لجاب ؟؟

المهم قعدت امسح .... بعنف ... واحس الخبز يتنتف و راايح

واحس في ايدي حاجه بارده قلت مو مشكله المهم ناكل

خلصت مريت على جميع الزوايا في الخبزه ... جيت بحط عليها خبزه تانيه اتاري الجبن كله في ايدي ... لازق .. خبقت الخبز بالجبن و قعدت امسح في ايدي خخخخخ

عاد انا كنت جوعان و ماحد يطالع .. قعدت ألحس ايدي خخخخخخخخ شوي الا اختي وراي تبوس ايدها ورا و قدام و تقول الحمدلله رب العالمين

عاد انا استحيت ... قلت ليها تفضلي ؟ باقي شوي بين اصابيعي خخخخخخخخخ

والحياة حلوة

اقول للشباب الي زيي .. هانت قريب تبتلش بكم بنت ناس و تطبخ ليكم لا تموتوا جوع

واقول للبنات .. انتبهوا ترى في ناس مجاعات زي حالتي لا تستغربوا يعني

وضع هدا الموضوع للمصلحه العامه و خدمة المجتمع الأسري في المستقبل القادم تحت مسمى ( عقبالكم )

و رمضان كريم ياجماعه قبل الكل

تحيـــه

ألا ياطفل لاتكبر

24-08-2008, 07:18

طيب واذا طحت في وحدة خايبة اخوك ؟
يعني إلتم المنحوس على خايب الرجى !!

Blue Star

24-08-2008, 07:27

ايــــــه بدينا نفاول من الحين ...

الله لا يقولها كان اموت من الجوع و ارجعها للوكاله يسوي ليها تحديث بيانات << يعني اوديها لامها خخخ

كان اكتب على بيتنا ( اللهم اني لا اسئلك رد القضاء ولكن اسئلك اللطف فيه )

بس مهما كان البنيه ما تعرف تطبخ .. بس على الاقل تسوي بيض خخخ او جلو ... او تسخن اكل على الاقل خخخ

ثانكيو على الرد :)

سلولو

ألا ياطفل لاتكبر

24-08-2008, 07:46

أوه توني انتبه للتوقيع بصراحة فلـــــــــــــــــــــــــة ..
لايكون قلب صافي يصير الوالد :696: ..!!
على العموم الله يعطيك وحدة شيفة (مو في الشكل ) يعني مؤنث شيف تفر لك ذاك المطبخ فررررررر من الطبخات اللي هيا ..

Blue Star

24-08-2008, 10:14

جوعتيني ياختي ... لا والله قلب صافي مو الوالد ... دخيل الله قولي الوالده بنيه ترى ... ادا ماخاب ظني << مشكك خخخخ << حشة

ايـــــه يوم انتبهتي للاسم صار فله ... يلعن أم الواسطة خخخخ

وربنا يسمع منك ... ودي اذوق حاجه اسمها ( حـلى ) في البيت غير كريم كرم الله و الجلو

صدق الي قال ... الجلو لاعب فينا .. ناكله و نسبح به و نحطه في شعرنا << جلو جل جلي

((( اخوكم متوحم على جلو )))

ألا ياطفل لاتكبر

24-08-2008, 11:30

يوووووووو .. سوري سوري مادريت انها بنية هههههههههههه
اني شفت الاسم عدال المكيف قلت اكيد هذا اسم الوالد ..
وبعدين مشتهي حلا لعنبو العيارة ياشيخ البقالة قريبة خذ لك دانيت ترى سووه لكل العائلة >>> حلفي !!

~ heba ~

24-08-2008, 12:08

بلوو بطاطا انت هوووون يا زلمى

دكرتني بحااالتــي بسالفه البيض لحد الحين ما اعرف اقليه اذا حطيت البيضه القلبه الاولى تحترق والقلبه الثانيه تصير نيه ....

لابـعد امي خيالها واحلامها وواسعين تبغااني اخش وياااه المطبخ السنه ووووواهاهاهاهاها

على قولتها تبغى تعلمني الطبخ ...<<< شايفتني صغيره تعلمني

رمــضــااآأن بيعلمنا الطبخ السنه هع هع خ خ خ

ثورة العشق الإلهي

24-08-2008, 15:17

خخخخ والله الحاله عندك شتى

حتى بيض مقلي ما تعرف صج رايح فيها

لكن كله كوم وقلاب البيضه كوم ثاني ,, الله يعينك

بس عفر الجلو ما جمد لأن ماحطيت فيه ماي بارد << ربما ,,

ذكرتني بولد عمي داك اليوم يقول أنا أهم شيء أخذ وحده تعرف تطبخ وتسوي سمك ,,

أني قلت له أي كل البنات يعرفوا ,, مسكين خله يتحلم عدل

وأنت بعد أحلم واجد بس أن شاء الله تعرف تسوي بيض مقلي عشان لا تموتو جوع ..

onlycool

24-08-2008, 15:52

ههههههههههههههههه

ذكرتني بأيام قبل أول ما جيت اسوي بيض بالجبن اول مرة احط زيت على المقله

عاد جيت حطيت زيت شوي >>> على حساب شوي وهو حتى ما بين :685:

المهم كسرت اليي بيضتين وخلطتهم وحطيت شوية ملح وحطتيه في المقلة ويش اقولش داك المقلة يلمع يديد توهم ماخدينها البيت من النوع اليديد عفر الى فيه اسود على حساب ما يلزق الأكل فيها

اي وخليته شويات وبعدين جيت اقلب البيض على الجهة الفانية اجي اله يمين ابغا اقلبه ما يرضى اروح يسار هم نفس الشي اتاري لزق في المقلى >>> خوش ما يلزق عفر نوعية مو اصلية ولا انا عفست الدعوة :685:

المهم جيت اشابق ويا المقلى يمين يسار لين ما انقلب البيض ونصه محترق ومتلزق جيت عاد بشطارتي وحطيت جبن مربعات واقلب البيض يمين يسار عاد الجبن من كفر الحرارة ساح ولزق في المقلى >>> كمل العفسة :690:

آخر شي شلت البيض واكلته وانا فرحان سويت بيض بايدي على حساب عدل :669:

وبعدين جت الشغالة اليدية ما تعرف ويش السالفة المطبخ صاير عفسة والمقلى رايح فيها مني جت غسلته بليفة واخترب >>> خوش مقله يديد :734:

اي وهذي وحدة من سوالف الأكشن ويا الطبخ

somebody

24-08-2008, 17:18

سوالفك مع المطبخ فللللة

اول شي الجلو

شكلك حطيت فيه ماي واجد

وحطيت بس مغلي ماحطيت بارد

بيض العيون واضح انك شعلت النار ع الآخر

صار محروق من تحت وني من فوق

والبيض المطوي بالجبن

نكتتتة

عجبتني الزرادية

باين ان عقلك في التفكيك والسيارات :)

بس بجد فاجأتني

في احد في الدنيا فاشل في المطبخ

لدرجة مايعرف يمسح جبن في بريد!!

مالك غير تصبر

لين تبتلش فيك بنت حلال

ولازم تشرط على الوالدة انها تعرف تطبخ :669:

بانتظار مواقف اخرى مطبخية وغير مطبخية

تقبل مروري

ورد

24-08-2008, 17:49

هلا بستارنا !!
شحوالك ؟ وشحوال البطاطس ؟!
والله سوالفك فلّة يقطع إبليسك ...

أول مرة اسوي بيض ..طبعا إحترق شوي واول ماجت الماما المطبخ إلا تقول يووووووووو
ورد تطبخ ؟!

وهداهو السنة في رمضان بيستلمونا .. لعنبودارهم يوم خلوه إجازة
تقاشروا علينا المهجومين !!

بس بالصراحة ستارو يمب لك كورس .. يعني لو يسافروا اهلك وفي وقت المطاعم تكون مسكره فيه ..
وش تسوي نعنو ؟!

إلا ماتفكر في الخرابيط الجاهزة من شيبسات وبسكويت وكذا لو ماتشبع عندك ؟!

يسلمواات على الموضوع ,,

تحيتي ..

ورد

24-08-2008, 17:49

هلا بستارنا !!
شحوالك ؟ وشحوال البطاطس ؟!
والله سوالفك فلّة يقطع إبليسك ...

أول مرة اسوي بيض ..طبعا إحترق شوي واول ماجت الماما المطبخ إلا تقول يووووووووو
ورد تطبخ ؟!

وهداهو السنة في رمضان بيستلمونا .. لعنبودارهم يوم خلوه إجازة
تقاشروا علينا المهجومين !!

بس بالصراحة ستارو يمب لك كورس .. يعني لو يسافروا اهلك وفي وقت المطاعم تكون مسكره فيه ..
وش تسوي نعنو ؟!

إلا ماتفكر في الخرابيط الجاهزة من شيبسات وبسكويت وكذا لو ماتشبع عندك ؟!

يسلمواات على الموضوع ,,

تحيتي ..

شوشه

24-08-2008, 18:50

هههههههههههههههههه شكلك مابتصير تعرف تطبخ الا ادا سفروك بعثه بره مابتجي من هناك الا وانت اكبر شيف ههههههههههه زي ولد اختي مايعرف حتى يشغل الفرن ولما راح امريكا صار فناااااااان في الطبخ حتى لو بسويلي طبخه بسيـــــــــــطه واني وياه شابكين عالنت اقوم اساله عن المقادير وهوه يعلمني ههههههههه .

كلي حلا

24-08-2008, 19:09

ههههههههههههههههههههههههه يمكن لم تعفس الدنيا اول مررة ماتدخل المطبخ بس بعدين تتعود حتى البنات نصهم مايعرفون يسون شيء زيي اول مادخلت المطبخ عفست الدنيا واطلع يأسه بس مااحصل الا سب من امي لان بعد ماكان عندنا شغاله بس من جد سوالف المطبخ ماتخلص ..

*ملاك سنابس*

24-08-2008, 19:59

سلآم
والله الصراحة الله يعينك
خليتني اتمسخر عليك عدل خخخ:669:
المهم الحين انت بيض مفيوح ما تعرف تسوي؟؟!!
اني يعنو صح ماعرف اطبخ بس بيض اعرف اسوي:696:
اصلاً ماتسويه اتحطه هووه يستوي خخ
ههههههـ بس خليتني أضحك واايد
مشكور عـ الموضوع

تحيآآتي..

Casandra

24-08-2008, 22:10

ههههههههههههههههههههههههههههههههههههه ضحكتنونييي ...:701:
على الأقل انتون ما تعرفوا تطبخوا
مو زي بعض الناس اللي ما يعرفوا ياكلوا <<< أقصد اختي الفصعونة
اليوم يوم كنا نتغدى جا على بالها تقول ليي سر من أسرارها ....
و أني باقوله ليكم ألحين بس لا تقولو لأحد :702:
السر يا طويلين العمر هو
إن في مرة من المرات هادي الفصعونة كانت تاكل سمكة صافية تقول كانت عندي هادي السمكة مو لزيزة زي كل مرة و طلعت آخر شي عم تاكل بطن السمكة :690: هع هع هع
يسلمو عالموضوع الفنتكة ....:)

سنووايت!!!

24-08-2008, 22:27

ههههههههههههههههههههههههههههه
مشكووووووووووووووووووووورين واااااااااااااااااجد ...صح كاساندرا !!!
أختش ماتطالع وهي تاكل<<< يؤ يؤ نسيت إن هي صغيرة ...
سر أختش الكبير في بير يا فّسّادة خخخ.

"حلم ماضي "

25-08-2008, 04:09

هههههههههههههههههههههههه
الظاهر كل الي يعرفوا يصلحوا الأجهزة ما يعرفوا للمطبخ لأن حتى أخوي كدا يصلح كمبيوترات بس يعفس المطبخ عفاس
بس الثاني اليوم هو الي طبخ الغذا هذا ما يتوهق يعرف يطبخوحتى في الرياض هو الي يصبخ لهم
مشكور على الموضوع الحلو

Blue Star

25-08-2008, 06:44

هخ هخ هخ ها هبووه خخخ شحوالش زينه انتين ؟؟ شوفي انا مانا محسوب عليي اني اطبخ بس انتين محسوبه علينا بنيه ... لازم تتعلمي لا تطيحي في شبدي يقولوا بلو ستار ما علمها تصير ربة منزل << وده يهزئ من كثر ما يتهزأ خخخ

تانكيو عالمرور ياختييي

------------------------------------------

ثورة العشق الإلهي ... انا مو قايل لك شوفي لك اختصار لاسمك ؟؟؟

اها يعني تلعبي على ولد عمك زي ماهو ملعوب عليي ... الله يستر كان ما ألحس الارض ..

بعدين تعالي وشو الجلو يحطوا فيه ماي بارد ؟؟ متى ؟؟؟ << علموووني بيموت على الجلو

يالله هدحنا ناكل اكل المطاعم بكيفنا الحين .. بكرا بصير غصبا عنا خخخخخخ

بس حسيت في كلامك بين السطور جمله ( لو يدري عمير شق ثوبة ) خخخ ثانكيو على الرد

-------------------------------------

Onlycool ياهلا ... بالله ذكرتني على سالفه الزيت هدي ... انا حاجه اسمها مقاييس ماعرف ليها

عــاد انا جاي ابغى اسوي لي فشار ... تقيشرت على عمري و اشتهيت فشار

سألت امي كم احط كميه في الصفريه ؟؟؟ قالت ... مو شوي ... ولا واجد

عاد اخوكم متعود لما يحط زيت في حاجه ... يمليها فـــل ... <<< شغل سيارات

انا قلت ادا واااجد ... يعني اطمطمها ... و ادا شوي يعني نقطتين ... ويش الحل ؟؟

عاد حطيت انا و ضميري ... و كلها خمس دقايق وتعال اشتم ريحة ا لذرة ... تقول حارقين ببغاء بريشه << لاحد يطالع فيي ... ترى ما سويتها خخخخخخ ابدا ... خخخخخ

واحترقت الصفرية صارت منقطه خخخخخخخخخخخ وامي قبل ما تفلتها فلتتها عليي وقالت ( طيح الله حظ امك ) خخخ حبوبه هالام << يفرك راسه

والحياة حلوة

شكرا على ا لمرور

--------------------------------------------------------

somebody

لازم تعلموني ويش سالفه الماي البارد هدي ؟؟؟ لازم ... اخوكم و محتااج خخخ

لا تحاولي تعلميني ماتعلم في هالحاجات و ادا تفكري هالحاجات شوي ... ترى في اشياء أعظم من كدا

اقولك مثال ... تعرفي اكياس الفشار الي تستوي في المايكرويف ؟؟؟ باختصار ... حرقت فلافه خخخخخخخخخخخخخخخخخخخ شلون ؟ ؟؟ الله اعلم

تبغي حاجه اعظم ...

انا واحد محشش خخخخ مدري اشرب معسل ... من زماان << مو واجد ...

المهم متعود اكون مع ربعي و كل واحد يسوي حاجه لما نشرب معسل (( طبعا ادا ماكنا في قهوة ))

مره من المرارير ... قالوا لي روووح اضرب جمر .... قلت اوكي <<< لحد الحين ما اكتشفت خيابتي عدل

رحت جبت فحم ... و حطيته في ديك الحديده .. و خليته على النار ...

العاده هو ياخد عشر دقايق ... بس هالمره طول ... ربع الساعه ... و الجماعه يطالعوا في بعض ( مو فحم دا خروف )

وانا ارح اطل عليه ................ بعده ما يصير احمر .. كله اسود بس من تحت مستوي

شصاير ؟؟

بعد نص ساعه رحت اشوفه بعده على حطة ايدك ... شصاير ؟؟؟

بعد فترة طويله صار تمام .. اخدته ووديته للشباب الا هم متسدحين ضحك عليي .. ليش ؟؟؟

حاط فحمة وحده قد وجهي كبيييييييره كانها طابوقه خخخخخخخخخ

ماجا في بالي اكسرها ابدا خخخخخخخخ فكرتها بتولع زي الناس والعالم

صراحه ماكنت ادري ان الفحم لازم يكسروه قبل ما يولعوه .... خايب حديني في امور المطبخ

لا اقلها ولا اكبرها ...

وترى جد الي اقوله كله ماجبت حاجه من راسي ... الا سالفه الكتابه على البيض هدي خرطه خخخخ

بس كل الي قلته صار لي والله ...

لو ابتلش بوحده ماتطبخ .. بموت من الجوع صحيح ... لا تخلوني انحبط بس

مادري ليش صاير كدا ... مع ان ابوي الله يرحمه كاان شيف ... كان سوبر فايزر في الدايننج هول في ارامكو

يعني حياته طبخ في طبخ ... مافي حاجه عندنا اسمها ( جديده ) خخخخ لو يدري عني الا يفغصني

شكرا على المرور

------------------------------------------------

هــا ورد مشرفتنا ... مبروك الاشراف صحيح نسيت ابارك لك خخخ

عاد كم مره يسافروا بيتنا عني و اصوم انا خخخخ انتظر لين يجوني الشباب عشان نطلع نتعشى << انسان اجتماعي ما يحب ياكل لحاله خخخ لو على قص رقاب

يبي لي كورس ؟ قولي يبي لي خطابه بروفشينل تعرف تدور خخخخخخخخخخ

يسلموووووووا وردوه وحياكم في الخيمتنا

-------------------------------------

شوشة ... والله جتني فتره درست في جدة تقريبا اربع شهور .. ضقت الويييل ... لا مطاعم زي الناس ولا انا اعرف اطبخ

رجعت منسحل ... من جددددددددددددددد رجعت ضعيييييييييييييييييييييييييييف عندي صورة اول ما رجعت من جدة لما شفتها ما صدقت هدا انا ... عصاية معصقل و عظامي مبينه

لا و امي تقولي ( شفيك ضعفان ما يأكلوك ؟؟ ) خخخ تسوي روحها ما تدري خخخ

يسلموا على الرد

--------------------

كلك حلا ...... خخخ انا ما يفيد وياي ... حاولت اكثر من مره .. المشكله ماهي في التعود ... السالفه حظ اعوج .... خلاص انختم على قلبي اني ماعرف اسوي لروحي اكل

يعني لو يفلتوني في سوبر ماركت اسبوع مقفله عليي البيبان ... مدري الابواب خخ ... كان ابحلس من الجوع

شكــــرا خيتوو على الرد

---------------------------------

ورود المحبه ... هلا بك ... اضحكي عادي اخدي راحتك يعني انا حاط الموضوع ليش ؟ عشان اونسكم بارك الله فيكم ...
انا اعترف اني في الطبخ .. مسخره ...

وانشالله دوم مبسوطه .. شكرا على الرد خيتي

---------------------------------

كاساندرا ... اما عاد اختك تحفه .. خخخ الله يلخيها انشالله خخخخ كان اختك ما تعرف تاكل

انا اعرف واحد يخر ... ادا ياكل او يشرب شي .. لازم يلعوز نفسه في مكان ...

بوزه وزنيته غلط خخخخخخخخخخ زي باب الفلاجه لما نسكره بقوه مع الوقت ينعوج

هدا شكله كل يطم بوزه بقوه خخخخخخخخخخخ وا لحياة حلوه

شكرا على الرد الفنتاستيك

------------------------

سنووايت .. ا لعفو خيتي .. و حاضرين للطيبين ..... الطيبين بس .. خخخخ

-------------------------

سنابسية ياهلا و مرحباااه ... صحيح ترى ... لكل انسان هوايات معدده ما يقدر يتخطاها خخخ

زي اخوي الي اصغر مني .. هدا ما يتعطل ابدا ... صنفت عليه في نص الليل يروح يسوي صالونه لحم .. مع الرز خخخخخخخخخخخخخخ

ولا بشي .. لو اقولة سوي لي ملوخية بالارانب .. يسويها ولا عنده فيها ....

والحياة حلوة خخخ

شوكرن على الرد

يسلموا بونيات .. انا ماشوف الا بنات اكفر شي وين الشباب ؟؟ والا شكلهم متفشلين وما يبغوا يعترفوا بالحقيقه المـــره خخخخ << عود يقول مره خخخ

وسلم لي عالناس الي فوووق والي تحتتت

حيو حيو

قلب صافي

25-08-2008, 07:16

هااا بلو ايه الحركات ديي..

عاد توني فاتحة الفلاجة خ خ ..( الثلاجة ) واشوف داك الجلو يرقص من الخوف اني اكله

عااااد اني تضكرت موضوعـــــك واني مااارديت عليه جيت اركض ويايي داك الجلو يركض قبلي

و هذاني اكل فية .. يااااسلام لونه احمر بعد .. :d_big_smi

ههه طلعت ماااتعرف تسوي بيض :669:

عاد ديك اليوم الوالدة شافت اخوي يحوس في المطبخ .. واني جالسة

تقول لي قومي سوي الى اخوش فطور .. قلت ليها ماني قايمه الحين ماااتشوفيه

الا مسوي لش داك البيض بالجين .. الاماااافي الذ منه وكلنا بنقوم ناااكل منه ..:685:

وبالفعل خ خ عجبتني دي بالفعل ..

استوى البيض و الجميع خ خ اكل منه ..

.. اما دي سالفة انك مااااكسرة الفحمة دي عقيبة صراحتن..

خبره في المُعسلة ,, واخرتها ماااتكسر الفحمة.. لقد جعلت القوم تسخروا منك يااا ابن العرب.<< اليوم ضارب في مخيي اكتب بالغة العربية الفصحى

يلا مااانطول عليكم .. حيو يالنشامة ..:d

.

قلب صافي

25-08-2008, 07:24

أوه توني انتبه للتوقيع بصراحة فلـــــــــــــــــــــــــة ..
لايكون قلب صافي يصير الوالد :696: ..!!
على العموم الله يعطيك وحدة شيفة (مو في الشكل ) يعني مؤنث شيف تفر لك ذاك المطبخ فررررررر من الطبخات اللي هيا ..

اوه فله طلع .. موووتشكرين اوي اوي .. خ خ

دخيل الرب خ خ.. بلو قال دخيل الله اني بااغير شوي ..

قولي امه ( هو في شبه خفيفة خ خ ) اني اطلع ابوة << ماقول الى تن تن ..

بلو .. مشاكك بعد :696: الحساب بعدين ..:690:
ماااقول الى الله يعطيك شيفة ..:d
.

فاطmـه

25-08-2008, 11:30

حـــــــــــــــــــــــــــــــــلوووو حلووو (بلو)
والله انك نكتــــــــه

عفر اني ماعمري تبخطت

بس صرنا نتعلم الحين >>>خخخ

على أخر عمرنا ويش انسوي بعد

لجل عين تكرم الف عييييييين

ساحري

25-08-2008, 12:36

طريقة عمل الجلو لعيون بلو

انظر خلف العلبه يااخي اقلها

كلها كوبين ماي تغليهم وتضيف الباكيت وعليه اربع ملاعق سكر

ونص كاس فيمتو وتضيف عليهم كاسين ماي بارد واخلطهم وادعي لي

حتى خواتك بيسالوك كيفه سويته

تحياتي

أحساس أنثى

25-08-2008, 15:16

ههههههههههههههه

تدري ذكرتني بالمثل اللي يقول (اقرب الطرق لقلب الرجل معدته )

بس انشاء الله ماتاخذ لك وحده تجرب فيك خخخخخخ بتموت من الجوع

ذكرتني باخوي يوم قال بيتزوج تسأله امي وش المواصفات اللي تبيهاا

ديك الساعه مافكر الا ببطنه خخخخخخ قال امبه وحده اهم شئ تعرف تطبخ

لا ويقول قبل ماتخطبوها سووو ليها اختبار من صاقعه يمبه شهاده خبره خخخخخخ

عقبالك وتصير دب

روح تعلم اقول في قسم المطبخ وسوي تجاربك ووورينا وياهاا ههههههه

الفارس1427

25-08-2008, 15:35

http://content.imagesocket.com/images/Military_207da.gif

دلعي نفسك بزبده لورباك

http://www.cheesebuerger.de/images/smilie/tiere/g026.gif

cutest ever

25-08-2008, 22:56

هههههههه
ياعلي الله يساعدك ويرزقك ببنت الحلال تصير لك احسن من الشيف رامزي هع

روافد

26-08-2008, 00:29

ايييييييييييييييييييييييييييييه الله يرحم ديك الايام http://www.hyatuha.com/vb/images/smilies/smilies/39.gif
تصدق لو ماتصدق تزوجت ومااعرف اقلي بيضه ميح ولاشي
لو يقول زوجي سوي شاي مااعرف شفت هالمسخره http://www.hyatuha.com/vb/images/smilies/smilies/40.gif
والمصيبه زوجي يطبخ احسن مني اصلوه الشيف بتاعي هو اللي علمني الطبيخhttp://www.hyatuha.com/vb/images/smilies/smilies/93.gif ولا لو على الوالده كان للحين محلك سر كل لا تحترقين ولا تقربي ايه ليمتى ماااادري http://www.hyatuha.com/vb/images/smilies/smilies/296.gif
واذا قلت للوالده بسوي لش هالطبخه تقولي عاد تعرفي اتخاف ادخل المطبخ شفتو الهنا اللي انا فيه
طول الله عمر زوجي http://www.hyatuha.com/vb/images/smilies/smilies/133.gifهو اللي علمني كل دواهي المطبخ http://www.hyatuha.com/vb/images/smilies/smilies/119.gif
مو كاني هدرت واجد اقول تمسو بالخير http://www.hyatuha.com/vb/images/smilies/smilies/297.gif

wardh

26-08-2008, 00:49

الســـــلام ...

بصراحه انت تحفه ...

بس سؤال يقرقع في قلبي اذا بتفطر كيف تسوي الحليب :712:

اما اني زيك :690: بس مو اعظم

مره من المراريت قعدت من النوم ابغى افطر جيت احط الغوري عالنار

انتظر انتظر ...... وانتظر
وطال الانتظار
ما صفر
( الغوري ابو صفاره )

اروح اشوفه الا معوج ولونه تغير

الا طلع

نسيت ما احط فيه ماي :690:

يا خيبتي

بس امي يوم جت بترميه ما رمته عليي :741:

رمته في الزباله ( اكرمكم الله )

طولت عليكم

ومشكور اخوي بلو على الموضوع الفلته

تحياتي ....

"حلم ماضي "

26-08-2008, 02:21

الســـــلام ...

بصراحه انت تحفه ...

بس سؤال يقرقع في قلبي اذا بتفطر كيف تسوي الحليب :712:

اما اني زيك :690: بس مو اعظم

مره من المراريت قعدت من النوم ابغى افطر جيت احط الغوري عالنار

انتظر انتظر ...... وانتظر
وطال الانتظار
ما صفر
( الغوري ابو صفاره )

اروح اشوفه الا معوج ولونه تغير

الا طلع

نسيت ما احط فيه ماي :690:

يا خيبتي

بس امي يوم جت بترميه ما رمته عليي :741:

رمته في الزباله ( اكرمكم الله )

طولت عليكم

ومشكور اخوي بلو على الموضوع الفلته

تحياتي ....

هههههههههههههه
ذكرتيني بأول مرة سويت شاي ما كنت أعرف أسوية سألت أختي وعلمتني وحطيت الماي والسكر والشاي في الغوري ورحت عنه وعودت رجعت أشوفه ما أستوى السكر ما داب قلت يمكن بعده وخليته صار له ساعه وهو ما أستوى قلت لأختي أنه ما طبخ قامت بتشوفه شفتها فاطسه ظحك وبعدين قالت لي كيف يستوي وأنتين ما فتحي السنندر وبعدين صرت مسخة في البيت:775: بس ألحين صرت أعرف أسويه
لاكن ما أعرف أقلي بيض

المشوار الطويل

26-08-2008, 04:51

ههههههههههههههههههههههههههههه

والله فطستني سوالفكم من الضحك

ادا على الرجال ما يعرف يطبخ تهوووووووووووون

بس المراااااااااااااااااااااا الله المعين

صدى الذكريـــات

26-08-2008, 18:06

توقعت من الموضوع اني بموت من الضحك اذا دخلت ... : )

وخخخ فعلاً زي ماتوقعت وزيادة ..

والمطبخ زي الجانقل .. كله مغامرات ... حتى لو على [كاس الماي] تصير مغامرات وزعلات ..

بس تالي نضحك على حالنا .. وتصير من الذكريات ..

ترى بعض البنات يطلع منهم شي .. بس انت لاتحن فوق راسهم ..

:741: << ياحلو هالرمز وحشني ...

>> من الرياض .. انقل تحياتي ..

صدى الذكريـــات

26-08-2008, 18:18

:732:
ليش ردي مايطلع ..؟؟

سـرقة

BlondeEye

27-08-2008, 07:35

أقــول يا خــوك يمدحـــوا الجــح في الصيــف .. . .. :d

لا غــلاي ولا قــلاي ... ،

حــط هالجحــة في الفلاجـة ، و برز السكيــن و اتشابــق وياهــا .. ..،

بس انتبــه لا تصوب روحــك ، :d :d

Blue Star

27-08-2008, 08:56

اييه يابلوندي هدي الناس الي تفهم وانا اقول ليش احب الفواكه ...

مره سويتها و قعدت بالجحه اعضعض فيها ... جت امي مبققه عيونها تقول ويش هالاصوات يا قليل الحيا

شافتني اكل جح قالت ( أشووه )

الموهم ردودكم واجد مادري كيف ارد عليكم كلكم صراحه ماتوقعت هدا الحضور الرائع ويعجز لساني عن شكركم جميعا

وعلى الي قيم الموضوع بعد شكرا

وصدقوني ما اسعدني الا انكم ضحكتوا و استانستوا و هدا الي ابغاه و اتمناه دايما

نلقاكم في مواضيع قادمه انشالله ... ولا تخافوا .. ما بقطع :)

تحيه