View Full Version : أمطار غزيرة على الديرة و يالله بالستيرة
فاضل الجابر
03-12-2003, 12:07
صباح المطر و السحب الرمادية .
مراسل منتدى سنابس يونايتد لـ المنتدى
هطلت صباح اليوم كمية جميلة من الأمطار نشكر الكريم عليها و نأمل بإتصال المطر أياما و ليالي حتى تخرّ كل البيوت (خوش دعاء) اللي في البلد و تغرق باقي الشوارع (ما كأنا على البحر)
مازالت التوقعات تشير إلى أن الأمطار متواصلة لأن السماء ما زالت ملبدة بالغيوم و إذا هبّ (الشملي) بتنقشع عن بكرة أبيها .
قولوا لأمهاتكم تسوي لكم عصيدة ترى منعوتة على صوت المطر .
آمل أن يتحفونا الأعزاء بصور النقعات اللي صارت في البلد من المطر .
مع أحلى الأماني حسن كرّاني .
الحمد الله على كل حال
اليوم الصباح ونااااااسه
ترى لما الأمطار لما تنزل تنزل معاها البركه (( ونفتك من الغبار والحر )):cool:
وطبعا المواقف الطريفه بعد :p
امس واحد من الشباب جاء المدرسه وهو يقولي صار لي ربع ساعه امشي من البيت لهنا بشويش لاتتوسخ ثوبي
وتالي على باب المدرسه يجي واحد بسيارته مسرع ويوسخ الريال (( شادي لاتسرع بسيارتك ايام المطر ))
لوووووووووووووووووول
اقبل سلطان الخير وجاب معاه الخيرات :)
الأخطبوط
03-12-2003, 13:05
المطر خير من الباري عز وجل
ولكن هناك حاله غريبه مع هطول الأمطار نرى الطلاب
لا يذهبون للمدارس يا ترى ماهو السبب ؟
لكم أجمل تحيه
الأخطبوط
هنيئاً لليهال أشوفهم من نقعه الــــــى نقعه
وعلى روسهم أخياش وهم يرددوا قول :
زيده وارحم عبيده
الله يرحم ايام لاول
برغم اني اكره المطر والاجواء االغائمة
(مدري ليش يمكن لاني جابوني بالانقلاب الشتوي 22 ديسمبر ؟ يمكن:cool: )
بس الحين شوي هه احبه مع الخضرة
وينقصها الوجه الحسنمبارك عليكم هطول امطار الخير
مبارك عليكم هطول امطار الخير
طاح المطر على قطر وتهدمت العشة
فاضل الجابر
03-12-2003, 17:48
مرحا لنا بالمطر ...
أنا أسمعهم يقولونها كذا البنات
طاح المطر
على قطر
و تلايموا في العشة
سووا عصيدة
ما عطوني طشة
و في هذي عدلية حقت الصبيان :D
زيده و ارحم عبيده
سوري نسيت الباقي وهذا اللي اذكره
بس اللي متاكدة منه هو انه تهدمت العشة
لا تجادلني
ممكن كلامك صحيح
مدري
مع السلامة
فاضل الجابر
03-12-2003, 18:33
أنا أجادل ؟
على قولة الشاعر تحط عينك بعين الشمس ! محد يقدر أظن
بالمناسبة كان الأفتار هذا أنا حاطنه من قبل لين قالوا أنه يعكس شخصية متزمته فهونت عنه بس الصراحة هو عاجبني .
تحياتي و السلام لك أيضا .
مافهمت !
شنوا اهو اللي كنت حاطنه ويعكس شخصية متزمتة ؟
المهم
ياجماعة الخير
الحين الشوارع كلها مبلولة
فرجاء
رجاء
رجاء حار
مانبغى حوادث
وهاالله هالله بالسواقة الزينة بالمطر
شوي شوي الدنيا مو طايرة
اللي مستعجل عليه بتوصل له
حتى لو متاخر بس يظل احسن من انك ماتوصل له الا على حمالة لاسمح الله
في رعاية الله
شاعر السحر
05-12-2003, 02:49
السلام عليكم ورحمة الله وبركاته
ماادري المطر ما زال ينزل والله وقف على البلد
صار لينا اسبوعين في الرياض :(::: وما نزلنا سلمنا على الوالدة
بس تدروا
صحيح الواحد مشتاق للاهل لكن يالله احسن عن النقعات (على الاقل نصبر نفسنا)
المهم عندنا في الرياض مطر بعد:D
A n g e l
05-12-2003, 19:42
احنا في الرياض طاح البردي وخبطنا في الجامعة :D
لقد فوجئت اليوم الظهر و انا قاعد واقف منسدح على الكمبيوتر , بصوت قوي فوق الشينكو اللي على البيت .
فقمت وقفزت ركيض وفتحت باب البيت وكان اشوف ليكم داك البردي .."خبري فيه من لما كنت صغير , السنه اللي فاتت لما طاح البردي كنت انا في محل ما غوى بليس ولده " .
ومن زود الوناسه خليت الباب مردود واخذت لي لفة ركيض تحت البردي "مافي حد الفريق":D
ورجعت عند الباب والا الباب "طراخ " تسكر عليي وانا بالملابس الداخليه قاعد في وسط المطر ما عندي مفتاح والوالده الله يحفظها نايمه :p ..
قعدت اصبر روحي والا المطر كل ماله يزيد,, والله ان شكل المطر زي الافلام الهنديه ,, انا خفت على روحي لا تلطخني صاعقه وأفقد الذاكره , فقمت ادق الجرس لزين ما جلست الوالده الله يحفظها وانقذتني من السيول الجارف " والا كان رحت وطي وسمرت في بكس من هالبكوس "
ابو طلعت المتجمد / شكلي بعد السبوحه اللي تحت المطر مانا متسبح الا في عيد الحج :D
تصقعك :eek:
انا كنت في الظهران نايم في الغرفه في الجامعه
ولا سمعت شي ولا شفت مطر , قعدت والدنيا غرقانه
قلت شكلهم ينظفو الاسفلت يمكن أمير جاي ولا شي
أتاريها مطر
والله حركات , راح علينا
المره الجايه ابصير مراسل ليكم من الظهران
كل لابد طالع أستولى على فريقنا في التغطية
محبتي واحترامي
راحت عليك ابو الزبج
يقولك انا ويا يهال الفريق مسوين حرب بالبردي , كل واحد يرمي البردي على التاني .
تصدق لو ما اخاف تقولوا عني كلام وتفكروا عليي خراط كان قلت ليكم ان احنا سوينا تمثال بالبردي :D
لا شدعوة نقول عنك خراط
ابد ولا شفت ريحتها , تصقعك ما تتسلفها
انا اعتبرك مراسل غير موثوق منه
دامك ديك السنه قرنت سيارتك المتعطله بعقال الغتره
انصح قناة سنابس الفضائية المشفره بطردك من هذه
الوظيفه السامية , والبديل جاهز ,, أنا
قال ايه قال بردي مان
دامك ديك السنه قرنت سيارتك المتعطله بعقال الغتره
مو انا اللي سويتها ,, هذا اخويي :D
انصح قناة سنابس الفضائية المشفره بطردك من هذه
الوظيفه السامية , والبديل جاهز ,, أنا
والله ان طردتوني الا انتون الخسرانين
ما بتحصلوا مقدم نشره جويه زيي
على العموم انا اطلع بشرفي استر ليي
انا مستقيــــــــــــــــــــــــــــل خلاص .
أجل أحناا ويا المطر سباحه وقوارب عند الفريق الأولي الله على ديك الأيام يطلعوا البنات من المدرسه أو من الصبح تطلع المديره وهي .............:D-ANCe: :D مطيره العبايه من تحت وتطردهم والمطرعليهم تجي السياره وتجيب ليهم موجه تغطيهم ويصارخوااااااااااااا واااااااااااااااا كنهم صوايات والسياير تدخن من الماي اللي واصل لفوق الباب واللي يدف السياره ويمشي في ذاك الطريق عباله البحر صحيح والزبالات اللي تاخذ ليها لفه على الفريق ويوم ثاني كل واحد يدور درامه وين والمدارس الغرقانه وعطله للين ماتجي الشفاطه وتشيل الماي ( عطله بلاش ) والدروس تجي بعدين جبل فوق الراس والظهر
الحمد لله على هذي النعمه:p
مطرت المطره على بيت وعشه والعشه ماتستاهل تستاهل ............... جاهل أحنا حقتنامختلفه شوي عنكم
:D يالله زيد وبارك على الأقل تطهرالأرض
جود العمــــر
10-12-2003, 00:23
تحية جميلة ..
أحببتُ أن يخط قلمي بعض السطور في هذه الصفحة المتواضعة..
" من ذكريات العام الماضي "
في العام الماضي سقطت بعض حبات( البرد)
وكنت في ذلك الوقت جالسة في غرفتي أقوم ببعض الترتيبات.. وإذا بي أسمع ( الشديخ )
على المكيف :rolleyes: أخدتُ أستمع إلى ذلك الصوت بشكل جيد . وإذا بي أقف وأركض
مسرعة نحو الباب وأفتحه ، وفي نفس الوقت كان أخي الأكبر مني سناً في غرفته يستعد للنوم
ليستقط باكراً ليذهب إلى عمله وإذا به يفتح الباب .. ونتلاقى أنا وهو عند الدرج (سُلم البيت)
ونتصادم بقوة :D ..وصلنا إلى الباب المؤدي إلى الساحة الخارجية للبيت..
هو يفتح يريد الخروج قبلي وأنا أدفعه لأخرج قبله . كلانا علِق بالباب :D وأقعُ أنا :D
الوالدة كانت بالخارج مع أخواتي وأخي الصغير . يتفجرون من الضحك لِما أصابني :D
وفي النهاية أخذنا نجمع تلك الحبات الصغيرة بعد ما حصل لنا من مواقف مضحكة
كادت تقضي عليّ وانتهي مكسورة الأرجل أو اليدين بسبب أخي وحبات البرد..
تحياتي
حيوووووووووو
جود ذكرتني بموقف صار لي السنة إللي راحت :D
لما طاح البرد كنت أسبح أنا أسمع طااخ طيخ شداخ قلت دولا بيت جيرانا مايتأدبوا عن هالبلاسة:D
إلا شوي وأسمع باب الحمام يتشدخ هالمرة ياعلي ويش صاير
قطعت إغنيتي وقلت وش صاير لاأطلع ليكم :mad: أجل قاعدين يخربوا عليّ سبوحتي
إلا أختي تقوللي ميراجووووه بسرعة قوم داكو يطيح بردي
بعد ماصدقت خبر خير ألف الفوطة عليّ وركيض بره البيت
فايدتي إفلونزا إسبوعين مافارقتني بغيت أموت :OLD.MAN:
تحياتي \ Mirage
ومازال المطر يتواصل
الله يعين اللي عندهم امتحانات الصباح
فاضل الجابر
14-01-2004, 12:14
و الله المطر حلو بس الله يستر علينا من هالشوارع اللي ما فيها تصريف للمياه !
اللهم اجعلها سقيا خير و بركة و عم بنفعها العباد .
:Dهلا والله...
ردودكم رهيبه وحلوه وتضحك.... ظريفين...هههههههههههههههه
وعجبتنى قصتك ميراج تضحك......
انت مع جود العمر...
انا وحده بس اسمع صوت المطر ....
افرح واصير انسانه ثانيه ياسبحان الله...
بس ياخساره اللعام لمن طاح البردى.. كنت نايمه وجاتنى الغبنه.....
ياحرام:confused: